ବାଲେଶ୍ୱର: ବାଲେଶ୍ୱର ଜିଲା ସାରଗାଁ ପଦ୍ମପୁର ସ୍ଥିତ ଏକ ଘରୋଇ ଇଂରାଜୀ ମାଧ୍ୟମିକ ବିଦ୍ୟାଳୟରେ ଅଭାବନୀୟ ଘଟଣା ଘଟିଛି । ପାଣି ଟାଙ୍କି ଭୁଶୁଡିବାରୁ ଜଣେ ଛାତ୍ରଙ୍କ ମୃତ୍ୟୁ ହୋଇଛି । ମୃତ ଛାତ୍ର ଜଣକ ଖୋର୍ଦ୍ଧା ଜିଲା ବାରଙ୍ଗ ଅଞ୍ଚଳର ବାଗରାଇ ଟୁଡୁଙ୍କ ୧୦ ବର୍ଷର ପୁଅ ନାରାୟଣ ଟୁଡୁ ବୋଲି ସୂଚନା ମିଳିଛି । ନୂଆ କରି ସ୍କୁଲରେ ନାଁ ଲେଖାଇବା ସହ ହଷ୍ଟେଲରେ ରହୁଥିଲେ ନାରାୟଣ । ଆଜି ସକାଳେ ଜଳଖିଆ ୪ଛାତ୍ର ପାଣି ଟାଙ୍କି ନିକଟରେ ଥିବା ଟ୍ୟାପକୁ ଧୋଇ ହେବାକୁ ଯାଇଥିବା ବେଳେ ଭୁଶୁଡି ପଡିଥିଲା । ନାରାୟଣଙ୍କ ଉପରେ ପାଣି ଟାଙ୍କି କାନ୍ଥ ଭୁଶୁଡିବାରୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି । ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
