ଯୋଡ଼ା : କାର୍ ରୁ ମିଳିଲା ନଗଦ ୨୦ ଲକ୍ଷ ଟଙ୍କା । ବଡବିଲ ଥାନା ଭଦ୍ରସାହି ନିକଟରେ ପୋଲିସ ଯାଞ୍ଚ ସମୟରେ ଏକ କାରରୁ ୨୦ଲକ୍ଷ ଟଙ୍କା ଜବତ ହୋଇଛି । ଯୋଡ଼ାରୁ କୋଇଡା ଅଭିମୁଖେ ଯାଉଥିଲା କାର । ଭଦ୍ରାସାହି ଛକରେ ଯାଞ୍ଚ ବେଳେ କାର ନଂ ଓଡି ୦୨ ବି ଏଫ୍ ୭୭୭୮ରୁ ୨ ଟି ବଡ଼ ବ୍ୟାଗରେ ଥିବା ୨୦ ଲକ୍ଷ ଟଙ୍କା ଜବତ କରିଛି ପୋଲିସର ଷ୍ଟାଟିକ୍ ସର୍ଭେଲାନ୍ସ ଟିମ୍ । କାରରେ ଯାଉଥିବା ଅବିନାଶ କୁମାର ମିଶ୍ର ଏବଂ କାର ଡ଼୍ରାଇଭର ହେମନ୍ତ ସିଂ ରାଠୋରକୁ ଅଟକ ରଖି ପୋଲିସ୍ ପଚରା ଉଚୁରା କରିଛି ।
ଅଟକ ବ୍ୟକ୍ତିଙ୍କ କହିବା କଥା ଏହି ଟଙ୍କା ପୱନ୍ ଟ୍ରାନ୍ସପୋର୍ଟ ନାମକ ପରିବହନ ସଂସ୍ଥାର । ସେମାନେ ଆଇ ସି ଆଇ ବ୍ୟାଙ୍କ୍ ଯୋଡ଼ା ଶାଖାରୁ ଟଙ୍କା ଉଠାଇ କୋଇଡ଼ା ଅଫିସକୁ ନେଉଥିଲେ । ଅନ୍ୟପଟେ ଆଇ ସି ଆଇ ବ୍ୟାଙ୍କ୍ ଯୋଡ଼ା ଶାଖାର ଅଧିକାରୀ ବଡ଼ବିଲ ଥାନାରେ ପହଞ୍ଚି ଟଙ୍କା ଡ୍ର ହୋଇଥିବା କଥାକୁ ପୃଷ୍ଟି କରିଛନ୍ତି । ତେବେ ବର୍ତ୍ତମାନ ଜବତ୍ ହୋଇଥିବା ଟଙ୍କାକୁ କେନ୍ଦୁଝର ଟ୍ରେଜେରୀ ଡିପୋଜିଟ କରାଯିବା ସହ ଆୟକର ବିଭାଗକୁ ସୂଚନା ଦିଆଯିବ ବୋଲି ପୋଲିସ କହିଛି । ନିର୍ବାଚନ ଖର୍ଚ୍ଚ ପାଇଁ ଯାଉଥିଲା କି ନାହିଁ ସେ ନେଇ ତଦନ୍ତ ହେଉଛି । ନିର୍ବାଚନକୁ ଅବାଧ ଏବଂ ନିରପେକ୍ଷ କରିବାକୁ ଚେକିଂ ଜୋରଦାର ହେଉଛି ।
