ଭୁବନେଶ୍ୱର : ୨୦୨୪ରେ ମୌସୁମୀ ସ୍ବାଭାବିକ ହେବ । ଏଥର ସ୍ବାଭାବିକ ରହିବ ମୌସୁମୀ ବର୍ଷା । ଏନେଇ ଆକଳନ କରିଛି ଘରୋଇ ପାଣିପାଗ ସଂସ୍ଥା ସ୍କାଏମେଟ । ଦୀର୍ଘ ଅବଧି ଆଭାରେଜରେ ୧୦୨ପ୍ରତିଶତ ମୌସୁମୀ ବର୍ଷା ଆକଳନ କରାଯାଇଛି ।
ସାରା ଦେଶରେ ୯୬ରୁ ୧୦୪ ପ୍ରତିଶତ ମଧ୍ୟରେ ବର୍ଷା ହେବ । ଯାହାକି ସ୍ବାଭାବିକ ଭାବେ ବିବେଚନା କରାଯାଏ । ଏଲ ନିନୋ ଧୀରେ ଧୀରେ ଲା ନିନାରେ ପରିଣତ ହେବ । ଲା ନିନା ଯୋଗୁ ମୌସୁମୀ ବାୟୁ ଅଧିକ ସକ୍ରିୟ ରହିବ ବୋଲି ସ୍କାଏମେଟ ପୂର୍ବାନୁମାନ କରିଛି । ସାଧାରଣତଃ ପ୍ରତିବର୍ଷ ଜୁନ ୧ ପୂର୍ବରୁ ମୌସୁମୀ କେରଳ ଛୁଇଁଥାଏ । ଜୁଲାଇ ୧୫ ବେଳକୁ ସାରା ଦେଶକୁ ଏହା ପରିବ୍ୟାପ୍ତ ହୋଇଥାଏ ।
