ଖବର ମୁତାବକ, ମଙ୍ଗଳବାର ଫ୍ୟାମିଲି ପ୍ଲାନିଂ ଅପରେସନ୍ ପାଇଁ ଅତି କମରେ ୨୯ ଜଣ ମହିଳା ଆଶା କର୍ମୀ ଙ୍କ ଦ୍ୱାରା ରାଜକନିକା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ଆସିଥିଲେ । ଅପରେସନ୍ ପରେ ମହିଳାମାନଙ୍କୁ ଡାକ୍ତରଖାନାର ଚଟାଣରେ ଶୋଇବା ପାଇଁ ପ୍ଲାଷ୍ଟିକ୍ ଦରି ଦିଆଯାଇଥିଲା ।
ଏହି ଘଟଣା ରେ ମହିଳାଙ୍କ ସମ୍ପର୍କୀୟ ଓ ଆଶାକର୍ମୀ ଅସନ୍ତୋଷ ପ୍ରକାଶ କରିଛନ୍ତି ।
ଘଟଣା ସମ୍ପର୍କରେ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଇନଚାର୍ଜ ଦାୟିତ୍ୱରେ ଥିବା ବାଦଲ କୁମାର ମହାନ୍ତି କହିଛନ୍ତି ଯେ, ଡାକ୍ତରଖାନାରେ ଏକ ନିର୍ମାଣ କାର୍ଯ୍ୟ ଚାଲିଛି । ତେଣୁ, ବେଡ୍ ର ଅଭାବ ଯୋଗୁଁ ଫ୍ୟାମିଲି ପ୍ଲାନିଂ କରୁଥିବା ମହିଳା ଚଟାଣରେ ଶୋଇବାକୁ ବାଧ୍ୟ ହେଲେ । ନିର୍ମାଣ କାର୍ଯ୍ୟ ଶେଷ ହେବା ପରେ ରୋଗୀମାନଙ୍କୁ ଡାକ୍ତରଖାନାରେ ବେଡ୍ ପାଇବାରେ ଆଉ କୌଣସି ଅସୁବିଧାର ସମ୍ମୁଖୀନ ହେବେ ନାହିଁ ବୋଲି ସେ କହିଛନ୍ତି ।
