ଯାହାପରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ନଆସିବାରୁ ପଞ୍ଚାୟତ କାର୍ଯ୍ୟାଳୟରେ ତାଲା ପକାଇଲେ ଲୋକେ । ଏଭଳି ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା କରଣପଲି ପଞ୍ଚାୟତରେ । ଲୋକଙ୍କ ଅଭିଯୋଗ ମୁତାବକ ଗତ ଶନିବାର ପଞ୍ଚାୟତରେ ଗ୍ରାମ ସଭା ହେବାର ଥିଲା ହେଲେ ପଞ୍ଚାୟତ ପିଇଓ ରୋଜାଲିନି ମହାନ୍ତି ମନା କରିବାରୁ ଆଜି ସୋମବାର ଗ୍ରାମ ସଭା ପାଇଁ ସ୍ଥିର ହେବା ସହ ନୋଟିସ ହୋଇଥିଲା । ପିଇଓ ଆସିବାକୁ ମଧ୍ୟ କହିଥିଲେ ।
ଯେଉଁଥିପାଇଁ ଆଜି ଗ୍ରାମ ସଭା ପାଇଁ ଶତାଧିକ ମହିଳା ଓ ପୁରୁଷ ଆସିଥିଲେ । ହେଲେ ଦିନ ବାରଟା ପର୍ଯ୍ୟନ୍ତ ପଞ୍ଚାୟତ ପିଇଓ ଆସିନଥିଲେ କି କାହାରି ଫୋନ ଉଠାଇନଥିଲେ । ଏଥିରେ ଉତ୍ୟକ୍ତ ହୋଇ ଲୋକମାନେ କରଣପଲି ପଂଚାୟତ କାର୍ଯ୍ୟାଳୟରେ ତାଲା ପକାଇବା ସହ ହୋହାଲ୍ଲା କରିଥିଲେ । ଜାଣିଶୁଣି ପିଇଓ ମାଡାମ ପଂଚାୟତକୁ ଆସୁନାହାନ୍ତି ବୋଲି ଲୋକେ ଅଭିଯୋଗ କରିଛନ୍ତି । ଆଉ ଯେପର୍ଯ୍ୟନ୍ତ ପିଇଓ ମ୍ୟାଡାମ୍ ନିଜେ ନଆସି କଣ ପାଇଁ ଆସୁନାହାନ୍ତି ବୋଲି କୈଫତ ଦେଇନାହାନ୍ତି ସେତେପର୍ଯ୍ୟନ୍ତ ତାଲା ଖୋଲା ଯିବନି ବୋଲି କହିଛନ୍ତି ଉତ୍ୟକ୍ତ ଲୋକେ ।
