କଂଗ୍ରେସ ତେଲେଙ୍ଗାନାରେ ସରକାର ଗଠନ କରିବାକୁ ଯାଉଥିବାରୁ କେସିଆର ନିଜର ପରାଜୟ ସ୍ୱୀକାର କରିଛନ୍ତି। ଏଥିପାଇଁ ସେ ଜଣେ ଅଧିକାରୀଙ୍କ ଜରିଆରେ ନିଜର ଇସ୍ତଫାପତ୍ର ରାଜଭବନକୁ ପଠାଇ ଦେଇଛନ୍ତି।
ଆଜି ସକାଳୁ କେସିଆର ତାଙ୍କ ସରକାରୀ ବାସଭବନ ପ୍ରଗତି ଭବନରେ ରହିଥିଲେ। ଲାଗୁଥିଲା ସେ ଏହି ସ୍ଥାନରୁ ରାଜଭବନ ଯିବେ ଓ ନିଜର ଇସ୍ତଫାପତ୍ର ରାଜ୍ୟପାଳଙ୍କୁ ଦେବେ। ସେ ଗୁପ୍ତ ଭାବେ ନିଜର କିଛି ସମର୍ଥକଙ୍କ ସହ ଦୁଇଟି ଗାଡ଼ିରେ ସରକାରୀ ବାସଭବନରୁ ବାହାରି ଯାଇଥିଲେ। କିନ୍ତୁ ରାଜଭବନରେ ପହଞ୍ଚି ନଥିଲେ। ଏବେ ଜଣାପଡ଼ିଛି ଯେ ସେ ତାଙ୍କ ଇସ୍ତଫାତ୍ର ରାଜ୍ୟପାଳଙ୍କ ନିକଟକୁ ପଠାଇ ଦେଇଛନ୍ତି।
ସରକାରୀ ବାସଭବନ ଛାଡ଼ି କେସିଆର ଏବେ ମେଡକ ଜିଲ୍ଲାର ଇରାଭାଲ୍ଲି ଗାଁରେ ନିଜ ଫାର୍ମ ହାଉସକୁ ଚାଲି ଯାଇଛନ୍ତି। ସବୁଠାରୁ ଗୁରୁତ୍ୱପୂଣତର୍ଣ କଥା ହେଲା, କେସିଆର କାହାକୁ କୌଣସି ସୂଚନା ନ ଦେଇ ବିନା ସୁରକ୍ଷା କନଭୟରେ ଫାର୍ମ ହାଉସକୁ ଚାଲିଯିବା ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି।
