ବାରିପଦା: ସ୍ଥାନୀୟ କଲେଜ ପଡିଆରେ ଅନୁଷ୍ଠିତ ପରେଡ ପଡିଆ ୟୁଥ କ୍ଲବ ଆନୁକୂଲ୍ୟରେ ଆୟୋଜିତ ୧୧ତମ ପରେଡ ପଡିଆ ପ୍ରିମିୟାର ଲିଗ କ୍ରିକେଟ ଟୁର୍ଣ୍ଣାମେଣ୍ଟ ର ୨ୟ ଦିନର ଖେଳରେ ଜେ କେ ୟୁନାଇଟେଡ଼ ସ୍ପୋର୍ଟିଂ, ମୟୁରଭଞ୍ଜ ଟାଇଗର୍ସକୁ ୬ ଉଇକେଟରେ ପରାସ୍ତ କରିଛି I ପ୍ରଥମେ ବ୍ୟାଟିଂ କରି ମୟୁରଭଞ୍ଜ ଟାଇଗର୍ସ ୧୫ ଓଭରରେ ୬ ଉଇକେଟ ହରାଇ ୯୮ ରନ ସଂଗ୍ରହ କରିଥିଲେ I ଦଳ ପକ୍ଷରୁ ମାରି ଲୋକନାଥ ୨୭ ଓ ବିଜୟ କୁମାର ପାତ୍ର ୨୦ ରନ କରିଥିବାବେଳେ ବିପକ୍ଷ ଦଳର ପୁଙ୍ଗା ଖେରୱାଲ ସୋରେନ ଓ ଆନିଷ ମିଶ୍ର ୩ଟି ଲେଖାଏଁ ଏବଂ ଅବଦୁଲ ଜାହିଦ ୨ ଟି ଉଇକେଟ ଅକ୍ତିୟାର କରିଥିଲେ I
ଉତ୍ତରରେ ଜେ କେ ଉଇନାଇଟେଡ଼ ସ୍ପୋର୍ଟିଂ ୧୦.୨ ଓଭରରେ ୪ ଉଇକେଟ ହରାଇ ୧୦୩ ରନ ସଂଗ୍ରହ କରି ବିଜୟ ଲକ୍ଷ୍ୟ ହାସଲ କରିଥିଲେ I ଦଳ ପକ୍ଷରୁ ଶିବଶଙ୍କର ଟୁଡୁ ୪୧ ଓ ଶିବ ଶଙ୍କର ମହାନ୍ତି ୨୭ ରନ ସଂଗ୍ରହ କରିଥିବା ବେଳେ ବିପକ୍ଷ ଦଳର ମାରି ଲୋକନାଥ ୨ ଟି ଉଇକେଟ ଅକ୍ତିୟାର କରିଥିଲେ I ପୁଙ୍ଗା ଖେରୱାଲ ସୋରେନ ମ୍ୟାନ ଅଫ ଦି ମ୍ୟାଚ ବିବେଚିତ ହୋଇଥିଲେ I ଉତ୍ତମ ମହାକୁଡ଼ ଓ ମନମୋହନ ମୁର୍ମୁ ଖେଳ ପରିଚାଳନା କରିଥିବା ବେଳେ ମଳୟ କୁମାର ସେନାପତି ଧାରା ବିବରଣୀ ପ୍ରଦାନ କରିଥିଲେ ଏବଂ ରାକେଶ କୁମାର ବେହେରା ଓ ସମ୍ବିତ ମହାରଣା ସ୍କୋରିଙ୍ଗରେ ସହାୟତା କରିଥିଲେ I
