ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନ ପୂର୍ବରୁ ମଧ୍ୟ କଂଗ୍ରେସ ଏବଂ ଭାରତୀୟ ଜନତା ପାର୍ଟି (ପୋଷ୍ଟ) ମଧ୍ୟରେ ପୋଷ୍ଟର ଯୁଦ୍ଧ ଆରମ୍ଭ ହୋଇଛି। ବିଜେପି ରାହୁଲ ଗାନ୍ଧୀଙ୍କୁ ରାବଣ ବୋଲି କହିଥିବାବେଳେ, କଂଗ୍ରେସ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଶିଳ୍ପପତି ଗୌତମ ଆଦାନୀଙ୍କ କଣ୍ଢେଇ ବୋଲି କହିଛି। ବାସ୍ତବରେ ବର୍ତ୍ତମାନ ଦୁଇ ଦଳଙ୍କ ମଧ୍ୟରେ ବୟାନ ଯୁଦ୍ଧ ଅପେକ୍ଷା ପୋଷ୍ଟର ଯୁଦ୍ଧ ତୀବ୍ର ହୋଇଛି। ଉଭୟ ଦଳର ନେତା ପରସ୍ପରକୁ କଟାକ୍ଷ କରିଥିବାବେଳେ ବିଜେପି ପକ୍ଷରୁ କୁହାଯାଇଛି ଯେ ପ୍ରଧାନମନ୍ତ୍ରୀ ମୋଦୀଙ୍କ ପୋଷ୍ଟର କରି କଂଗ୍ରେସ ନୈତିକତାର ଉଲ୍ଲଙ୍ଘନ କରିଛି, ଅନ୍ୟପଟେ କଂଗ୍ରେସ ପକ୍ଷରୁ କୁହାଯାଇଛି ରାହୁଲ ଗାନ୍ଧୀଙ୍କର ରାବଣ ଭଳି ମୃତ୍ୟୁ ହେଉ ବୋଲି ବିଜେପି ଚାଁହୁଛି | କଂଗ୍ରେସ ବୁଧବାର ଦିନ ଟ୍ୱିଟର ବା ଏକ୍ସରେ ପୋଷ୍ଟ କରି ଲେଖିଥିଲା ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସବୁଠାରୁ ବଡ ମିଥ୍ୟାବାଦୀ ।
ଏହି ଘଟଣା ପରେ ବିଜେପି ଏକ ପୋଷ୍ଟର ପ୍ରସ୍ତୁତ କରିଥିଲା । ପୋଷ୍ଟରରେ ରାହୁଲ ଗାନ୍ଧୀଙ୍କୁ ରାବଣ ପରି ପ୍ରଦର୍ଶନ କରାଯାଇଥିଲା। ବିଜେପି ତାଙ୍କୁ ନୂଆ ଯୁଗର ରାବଣ ବୋଲି କହିଛି। ରାହୁଲଙ୍କୁ ରାବଣ ବୋଲି ଚିତ୍ରଣ କରିବାକୁ ନେଇ କଂଗ୍ରେସ କହିଛି ଯେ ‘ରାବଣ’ ପୋଷ୍ଟର ମାଧ୍ୟମରେ ରାହୁଲ ଗାନ୍ଧୀଙ୍କ ବିରୋଧରେ ହିଂସା ସୃଷ୍ଟି କରିବାକୁ ଚାହୁଁଛି। ଅନ୍ୟପଟେ କିନ୍ତୁ କଂଗ୍ରେସ ଏକ ପୋଷ୍ଟର ପ୍ରସ୍ତୁତ କରିଛି ଯେଉଁଥିରେ ଦଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଗୌତମ ଆଦାନୀଙ୍କ କଣ୍ଢେଇ ବୋଲି କହିଛି।
