ସେ କହିଛନ୍ତି, ଯଦି ବିଜେପି କେବଳ ବନ୍ଦ କରିବାକୁ ଚାହୁଁଥାନ୍ତା, ତାହାଲେ 11.30 ପର୍ଯ୍ୟନ୍ତ ବନ୍ଦ ହୋଇଥାନ୍ତା। ସୁପ୍ରିମକୋର୍ଟର ବେଦାନ୍ତ ଜମି ଫେରାଇବାକୁ ରାୟ ଦେଇଛନ୍ତି । ସେ ପ୍ରସଙ୍ଗରେ ଉଭୟ ବିଜେଡି ଓ ବିଜେପି ହରଡ ଘଣାରେ ପଡିଛନ୍ତି। ମୁଖ୍ୟମନ୍ତ୍ରୀ ଓ ତତ୍କାଳୀନ ରାଜ୍ୟସ୍ୱ ମନ୍ତ୍ରୀ , ଅର୍ବନ ଡେଭଲପମେଟ ମନ୍ତ୍ରୀ ସେ ସମୟରେ ବିଜେପିରେ ଥିଲେ। ବେଦାନ୍ତ କମ୍ପାନୀକୁ ଆଇନ ଉଲଘଂନ କରି ଜମି ଦେଇଛନ୍ତି। ଏହି 3 ଜଣ ଦଣ୍ଡିତ ହେବେ । ଏଥରେ ସନ୍ଦେହ ନାହିଁ। ଯେହେତୁ ସମସ୍ତ ବିଷୟ ତର୍ଜମା କରି ସୁପ୍ରିମକୋର୍ଟ ଏ ନିଷ୍ପତ୍ତି ନେଇଛନ୍ତି, ତେଣୁ ଏ ପ୍ରସଙ୍ଗରେ ଗୃହରେ ଆଲୋଚନା ହେବାର ସମ୍ଭାବନ ଥିବାରୁ ଗୃହକୁ ବନ୍ଦ କରାଗଲା ବୋଲି କହିଛନ୍ତି କଂଗ୍ରେସ ବିଧାୟକ ନରସିଂହ ମିଶ୍ର ।
ଶ୍ରୀ ମିଶ୍ର ଆହୁରି କହିଛନ୍ତି, ମୁଖ୍ୟମନ୍ତ୍ରୀ ବିରୋଧୀଙ୍କୁ ଜନବିରୋଧୀ ବୋଲି କହିଛି। ହେଲେ ଜନ ବିରୋଧୀ କିଏ ? ଯିଏ ସାଧାରଣ ଲୋକଙ୍କ କାମ କରେ ନାହିଁ ସେ ଜନ ବିରୋଧୀ। ମୁଖ୍ୟମନ୍ତ୍ରୀ ନିଜେ ଏବେ ଅକଳରେ ପଡି ଯାଇଛନ୍ତି। କାରଣ ପ୍ରଥମରେ ଶିକ୍ଷାର ବିକାଶ ହେବା ଉଚିତ। ଏ ବାବଦରେ ବିଧାନସଭାରେ ମଧ୍ୟ ଆଲୋଚନା ହୋଇଛି। ବହୁ ସ୍ଥାନରେ ଶିକ୍ଷକ ପଦବୀ ଖାଲି ରହିଛି । ଚାଷୀର ଉନ୍ନତି ହୋଇନି। ତେଣୁ ଜନ ବିରୋଧୀ ଏଠି ସରକାର ବୋଲି କହିଛନ୍ତି ନରସିଂହ ମିଶ୍ର । ତାଙ୍କ ଦଳର ଲୋକ ହଜାର ହାଜର କୋଟି ଟଙ୍କା ଦୁର୍ନୀତି କରିଛନ୍ତି । ତାଙ୍କ ବିରୋଧରେ କେସ ହୋଇ ନାହିଁ। ଏଠି ଜନ ବିରୋଧୀ କିଏ ବୋଲି ପ୍ରଶ୍ନ କରିଛନ୍ତି କଂଗ୍ରେସ ନେତା ନରସିଂହ ।
ବିଧାୟକ ମିଶ୍ର କହିଛନ୍ତି, ମୁଖ୍ୟମନ୍ତ୍ରୀ ଜନ ବିରୋଧୀ କହିଲେ କିଛି ବୁଝନ୍ତି ନାହିଁ । ଏହାକୁ କେହି ଲେଖିଦେଇଛି ଏବଂ ସେ ପଢୁଛନ୍ତି। ସେ ଯଦି ଏହାର ଅର୍ଥ ଠିକ୍ ଭାବେ ବୁଝିଥାନ୍ତେ, ତାହାଲେ ସେ ଜାଣିପାରିଥାନ୍ତେ ସେ ହିଁ ଏକ ନମ୍ବର ଜନ ବିରୋଧୀ।
