ବାରିପଦା: ଓଡିଶା ହକି ଏସୋସିଏସନ ଆନୁକୂଲ୍ୟରେ ଭୁବନେଶ୍ୱର ଠାରେ ଅନୁଷ୍ଠିତ ହେବାକୁ ଥିବା ଦ୍ଵିତୀୟ ବାର୍ଷିକ ରାଜ୍ୟ ସ୍ତରୀୟ ଜୁନିୟର ମହିଳା ହକି ଚାମ୍ପିୟାନସିପରେ ଅଂଶ ଗ୍ରହଣ କରିବା ପାଇଁ ମୟୁରଭଞ୍ଜ ମହିଳା ଦଳ ଭୁବନେଶ୍ୱର ଅଭିମୁଖେ ଯାତ୍ରା କରିଛି I 18 ଜଣିଆ ଦଳରେ ଯମୁନା ହାଁସଦା ( ଅଧିନାୟକ ), ପାର୍ବତୀ ମୁର୍ମୁ ( ଉପ ଅଧିନାୟକ ), ଭାଗ୍ୟଶ୍ରୀ ବେହେରା, ଫୁଲମଣୀ ମୁର୍ମୁ, ସୁଗୀ ସୋରେନ, ସସ୍ମିତା ଚାପେୟାର, ଗଙ୍ଗା ହାଁସଦା, ପାର୍ବତୀ ସୋରେନ, ମାମିନା ଟୁଡୁ, ସୁଚିତ୍ରା ସିଂ, ରେଖା ଟୁଡୁ, ଯମୁନା ମୁର୍ମୁ, ରଶ୍ମିତା ଚାପେୟାର, ରାଇମଥ ହେମ୍ବ୍ରମ, ରୂପଶ୍ରୀ ବେଶ୍ରା, ନମିତା ମୁର୍ମୁ, ଶର୍ମିଲା ମାର୍ଣ୍ଡି ଓ ରାନୀ ସୋରେନ ସାମିଲ ଅଛନ୍ତି I
ଦଳ ସହିତ କୋଚ ଜୁଲିଆନୀ ବେଗ ମଧ୍ୟ ଯାତ୍ରା କରିଛନ୍ତି I ଚଳିତ ମାସ 25 ତାରିଖରୁ ଆରମ୍ଭ ହେବାକୁ ଥିବା ଏହି ଚାମ୍ପିୟାନସିପରେ ମୟୁରଭଞ୍ଜ ଦଳ ତାର ପ୍ରଥମ ମ୍ୟାଚ ବାଲେଶ୍ୱର ସହିତ ଖେଳିବ ବୋଲି ଜିଲ୍ଲା କ୍ରୀଡା ଅଧିକାରୀ ଅବନୀ ମୋହନ ମହାନ୍ତି ପ୍ରକାଶ କରିଛନ୍ତି I ଜିଲ୍ଲାପାଳ ତଥା ହକି ଏସୋସିଏସନର ସଭାପତି ବିନୀତ ଭରଦ୍ୱାଜ ଓ ଅତିରିକ୍ତ ଜିଲ୍ଲାପାଳ ତଥା ସମ୍ପାଦକ ଅକ୍ଷୟ ସୁନୀଲ ଅଗ୍ରୱାଲ ଖେଳାଳୀ ମାନଙ୍କୁ ଶୁଭକାମନା ଜଣାଇଛନ୍ତି I
