ଭୁବନେଶ୍ୱର: ବର୍ଷା ଯୋଗୁ ରେଳ ଚଳାଚଳ ବ୍ୟାହତ । ୱାଲ୍ଟେୟାର ଡିଭିଜନ୍ ଅନ୍ତର୍ଗତ ଓଡିଶାର କୋରାପୁଟରେ ଟିଗିରି ଏବଂ ଲାଲିଗୁମା ମଧ୍ୟରେ ବୁଧବାର ରେଳ ଚଳାଚଳ ବ୍ୟାହତ ହୋଇଛି । ଲଗାଣ ବର୍ଷା ଯୋଗୁ ଏହି ଟ୍ରାକରେ ବିରାଟ ବୋଲ୍ଡର ଏବଂ ଗଛ ଉପୁଡି ପଡ଼ିବା ଫଳରେ ରାୟଗଡା ଏବଂ କୋରାପୁଟ ମଧ୍ୟରେ ଟ୍ରେନ୍ ସେବା ପ୍ରଭାବିତ ହୋଇଛି ।
ସୂଚନାଥାଉ କି, ଗତ ୩ରୁ ୪ ଦିନ ଧରି କୋରାପୁଟ, ରାୟଗଡା ଓ ଅନ୍ୟାନ୍ୟ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି । ଫଳରେ ରେଳ ଟ୍ରାକ ଜଳମଗ୍ନ ହୋଇଯାଇଛି । ବଡବଡ ବୋଲ୍ଡର ଧସି ଟ୍ରାକ ଉପରେ ପଡିଛି । କୋରାପୁଟର ଇଞ୍ଜିନିୟରିଂ ଏବଂ ବୈଷୟିକ କର୍ମଚାରୀଙ୍କ ସହ ଏକ ଟିମ୍ ଘଟଣାସ୍ଥଳରେ ପହଞ୍ଚି ଟ୍ରାକରୁ ବୋଲ୍ଡର ଏବଂ ଗଛ କାଢି ଟ୍ରାକ ସଫା କରିଥିବା ଜଣାଯାଇଛି ।
