ଦିଲ୍ଲୀରେ ଅନୁଷ୍ଠିତ ହୋଇଥିବା ଜି- ୨୦ ଶିଖର ସମ୍ମିଳନୀ ଶେଷ ହୋଇଛି । ଏହି ସମ୍ମିଳନୀ ଶେଷ ହେବା ପରେ ଜି-୨୦ କମିଟି ପକ୍ଷରୁ ଏକ ବଡ ଘଟଣା ସାମ୍ନାକୁ ଆସିଛି । ୨ ଦିନ ଧରି ଚାଲିଥିବା ଶିଖର ସମ୍ମିଳନୀରେ ଚୀନର ଅତିଥି ଦିଲ୍ଲୀର ହୋଟେଲ ତାଜ୍ ପ୍ୟାଲେସରେ ରହିଥିଲେ। ଆଉ ସେମାନଙ୍କ ପାଖରେ ଏକ ସନ୍ଦିଗ୍ଧ ବ୍ୟାଗ୍ ମିଳିବା ପରେ ଚାଞ୍ଚଲ୍ୟ ସୃଷ୍ଟି ହୋଇଥିଲା । ଆଉ ପୋଲିସ ଏହି ବ୍ୟାଗ୍ ଚେକ୍ କରିବାକୁ ଆସିଥିବା ବେଳେ ଚୀନର ପ୍ରତିନିଧି ଏହାକୁ ଦେଖାଇବା ପାଇଁ ମନା କରିଦେଇଥିଲେ ।
ସୂଚନାଯୋଗ୍ୟ, ଜି୨୦ ସମ୍ମିଳନୀକୁ ଆସିଥିବା ସମସ୍ତ ପ୍ରତିନିଧିଙ୍କ ବ୍ୟାଗ୍ ଚେକିଂ ପାଇଁ ଏକ ଗାଇଡଲାଇନ ଜାରି କରାଯାଇଥିଲା । କିନ୍ତୁ ଯେଉଁ ଚୀନ ପ୍ରତିନିଧି ହୋଟେଲ ତାଜ ପ୍ୟାଲେସରେ ପହଞ୍ଚିଥିଲେ ସେମାନଙ୍କ ମଧ୍ୟରୁ ଜଣଙ୍କ ପାଖରେ ଏହି ବ୍ୟାଗ ରହିଥିଲା । ଆଉ ପ୍ରୋଟୋକଲ ହିସାବରେ ବ୍ୟାଗକୁ ଭିତରକୁ ନେବାକୁ ଅନୁମତି ମିଳିଥିଲା । ଏହା ପରେ ହୋଟେଲ ଷ୍ଟାଫ ବ୍ୟାଗରେ କିଛି ସନ୍ଦିଗ୍ଧ ରହିଥିବା ସୂଚନା ଦେଇଥିଲେ । ଆଉ ଯେତେବେଳେ ଏହି ବ୍ୟାଗକୁ ସ୍କାନ ପାଇଁ ନିଆଯିବାକୁ କୁହାଯାଇଥିଲା, ସେତେବେଳେ ଚୀନ ପ୍ରତିନିଧି ଏହାକୁ ଦେବାକୁ ମନା କରିଦେଇଥିଲେ ।
ଏହାପରେ ୧୨ ଘଣ୍ଟା ପର୍ଯ୍ୟନ୍ତ ଏପରି ହାଇଡ୍ରାମା ଚାଲିଥିଲା । ଚୀନ ଦୂତାବାସକୁ ବ୍ୟାଗ ପଠାଯିବା ପରେ ମାମଲା ଶାନ୍ତ ପଡିଥିଲା । ତେବେ ବ୍ୟାଗରେ କ’ଣ ସନ୍ଦିଗ୍ଧ ରହିଥିଲା, ତାହା ଏପର୍ଯ୍ୟନ୍ତ ସାମ୍ନାକୁ ଆସିନାହିଁ ।
