ନୂଆଦିଲ୍ଲୀ: LPG ଗ୍ୟାସ ସିଲିଣ୍ଡର ଉପରେ ମିଳିବ ୨୦୦ ଟଙ୍କା ସବସିଡି । ଏହି ସବସିଡିକୁ ମିଳିଛି କେନ୍ଦ୍ର କ୍ୟାବିନେଟ ମଞ୍ଜୁରୀ । ଉଜ୍ଜଳା ଯୋଜନାରେ ୨୦୦ ଟଙ୍କା ସବ୍ସିଡିକୁ ମଞ୍ଜୁରୀ ପ୍ରଦାନ କରାଯାଇଛି । ବର୍ଷକୁ ୧୨ଟି ସିଲିଣ୍ଡର ଉପରେ ମିଳିବ ଏହି ରିହାତି । ଏହି ଘୋଷଣା ପରେ ହିତାଧିକାରୀଙ୍କୁ ମିଳିଛି ଆଶ୍ୱସ୍ତି । ମହଙ୍ଗାମାଡରେ ଛଟପଟ ହେଉଥିବାବେଳେ ଏହି ୨୦୦ ଟଙ୍କାର ସବସିଡି ଆଶ୍ୱସ୍ତି ଦେଇଛି ।
ସୂଚନାଥାଉ କି, କେନ୍ଦ୍ର ସରକାର ଘରୋଇ ଗ୍ୟାସ ସିଲିଣ୍ଡର (୧୪.୨ କି.ଗ୍ରା) ଉପରେ ୨୦୦ ଟଙ୍କା ଛାଡ କରିଛନ୍ତି । ତେବେ ଏହି ସୁବିଧା କେବଳ ଉଜ୍ଜ୍ୱଳା ହିତାଧିକାରୀମାନେ ହିଁ ପାଇପାରିବେ । ଏଥିପାଇଁ କେନ୍ଦ୍ର ସରକାରଙ୍କୁ ୨୦୨୨-୨୩ ଆର୍ଥିକ ବର୍ଷରେ ୬,୧୦୦ କୋଟି ଟଙ୍କା ଖର୍ଚ୍ଚ କରିବାକୁ ପଡିବ ।
