ନଦୀରୁ ବାଲି ଉଠାଉଥିବା ବେଳେ ମାଡ଼ି ଆସିଲା ପାଣି, ଭାସିଗଲେ ୨ ଶ୍ରମିକ

କୁଡ଼ିଙ୍ଗଗୁଡ଼ା ଗାଁ ନିକଟସ୍ଥ ନଦୀରୁ ୪ ଜଣ ମହିଳା ବାଲି ଉଠାଉଥିବା ବେଳେ ପ୍ରବଳ ବର୍ଷା ହୋଇଥିଲା। ଆଉ ପାହାଡ଼ି ନଦୀରେ ହଠାତ୍ ଅଧିକ ପାଣି ମାଡ଼ି ଆସିଥିଲା। ଫଳରେ ମଞ୍ଜୁଳା ମାଝୀ ଓ ସୁକାଇ ମାଝୀ ଭାସି ଯାଇଥିଲେ। ସୁକାଇଙ୍କୁ ଅନ୍ୟ ଦୁଇ ଶ୍ରମିକ ଉଦ୍ଧାର କରିବାରେ ସଫଳ ହୋଇଥିଲେ। ତେବେ ମଞ୍ଜୁଳାଙ୍କ ପତ୍ତା ମିଳି ନଥିଲା।

ଖବର ପାଇ ଟିକିରିରୁ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚିଥିଲା। ସେମାନେ ଖୋଜାଖୋଜି କରି ମଞ୍ଜୁଳାଙ୍କୁ ପାଇଥିଲେ। ପୁଲିସ୍ ଏହି ଘଟଣାରେ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ କରୁଛି।

Post Views: 7