ଗତକାଲି ରାତି ପ୍ରାୟ ୮ଟା ସମୟରେ ଗେଟ୍ କିପର ଜଣକ ଅତ୍ୟଧିକ ମଦ୍ୟପାନ କରିଥିଲେ । ଫଳରେ ଦୀର୍ଘ ସମୟ ପର୍ଯ୍ୟନ୍ତ ଖୋଲା ରହିଥିଲା ଫାଟକ । ଅମର୍ଦ୍ଦା ରୋଡ ସାପ୍ତାହିକ ହାଟ ଥିବାରୁ ସ୍ଥାନୀୟ ଅଞ୍ଚଳର ଶତାଧିକ ଲୋକ ଫାଟକ ପାର ହୋଇ ହାଟ କରିବାକୁ ଯାଇଥିଲେ। ସେଠାରେ କାର୍ଯ୍ୟରତ ଥିବା ଗେଟ କିପର୍ ନିଶାରେ ଚୁର ଥିଲେ । ଏହି ସମୟରେ ଅମର୍ଦ୍ଦାରୋଡରୁ ବସ୍ତା ଅଭିମୁଖେ ଏକ ଟ୍ରେନ ଖୋଲା ଥିବା ଫାଟକକୁ ଅତିକ୍ରମ କରିଥିଲା । ହାଟରୁ ଫେରୁଥିବା ଲୋକ ଆସି ଫାଟକ ପକାଇବା ପରେ ଅନ୍ୟ ଏକ ମାଲବାହୀ ଟ୍ରେନ ଅତିକ୍ରମ କରିଥିଲା। ସ୍ଥାନୀୟ ଲୋକଙ୍କ ପାଇଁ ଏକ ବଡ ଦୁର୍ଘଟଣା ଟଳିଯାଇଛି। ନିଶାଶକ୍ତ ଗେଟ୍ କିପରଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଛନ୍ତି ସ୍ଥାନୀୟ ଲୋକ।
Post Views: 6
