ସୂଚନା ଅନୁସାରେ, ଆଜି ଟିଭିଏସ୍ ବାଇକ୍ ଶୋ’ ରୁମରେ ନିଆଁ ଲାଗି ଯାଇଥିଲା। କେପି ନଗର ଅଞ୍ଚଳ ଦେଇ ଯାଇଥିବା ଚେନ୍ନାଇ-କୋଲକାତା ରାଜପଥ ନିକଟରେ ଥିଲା ଏହି ଶୋ’ ରୁମ୍। କୌଣସି କାରଣରୁ ଏଠାରେ ଅଗ୍ନିକାଣ୍ଡ ଘଟି କୋଟି କୋଟି ଟଙ୍କାର ସମ୍ପତ୍ତି ପୋଡି ପାଉଁଶ ହୋଇଯାଇଛି।
ଅଗ୍ନିଶମ ବାହିନୀର ଜଣେ କର୍ମଚାରୀ କହିଛନ୍ତି ଯେ, ଉଦ୍ଧାରକାରୀ ଟିମ୍ ପହଞ୍ଚିଲା ବେଳକୁ ଧୂଆଁମୟ ହୋଇଯାଇଥିଲା ପୂରା ପରିବେଶ। ନିଆଁକୁ ଆୟତ୍ତ କରିବା ପାଇଁ ଘଣ୍ଟାଏରୁ ଦେଢ ଘଣ୍ଟା ସମୟ ଲାଗି ଯାଇଥିଲା। ଶୋ’ ରୁମରେ ଥିବା 1000 ବାଇକ୍ ମଧ୍ୟରୁ ପ୍ରାୟ 400-500 ବାଇକ୍ ପୋଡି ନଷ୍ଟ ହୋଇଯାଇଛି। ଅଗ୍ନିକାଣ୍ଡର ପ୍ରକୃତ କାରଣ ଜଣାପଡି ନାହିଁ। କେଉଁ କାରଣରୁ ଏତେ ବଡ ଦୁର୍ଘଟଣା ଘଟିଗଲା ତା’ର ତଦନ୍ତ କରାଯାଉଛି।
Post Views: 7
