ଘରେ କେହି ନଥିଲେ। ଏହାର ସୁଯୋଗ ନେଇ ଘରେ ପଶି କଳାକନା ବୁଲାଇଦେଲେ ଡକାୟତ। ଟଙ୍କା ଓ ସୁନାକୁ ମିଶାଇ୧୭ ଲକ୍ଷ ଟଙ୍କା ଚୋରି ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି। ଘଟଣା ଘଟିଛି ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ଚଢେଇଭୋଳ ବଜାର ଅଞ୍ଚଳରେ।
ପରିବାର ଲୋକେ ରାତିରେ ଘରକୁ ଫେରି ଜିନିଷ ପତ୍ର ଏପଟସେପଟ ହୋଇ ପଡ଼ିଥିବା ଦେଖିଥିଲେ। ଘରେ ରଖି ଯାଇଥିବା ଟଙ୍କାସୁନା ନଥିବା ଦେଖିବାକୁ ପାଇଥିଲେ। ଏନେଇ କରଞ୍ଜିଆରେ ଥାନାରେ ଅଭିଯୋଗ କରିଥିଲେ। ପୁଲିସ ଓ ସାଇଣ୍ଟିଫିକ୍ ଟିମ୍ ଘଟଣାର ତଦନ୍ତ କରୁଛନ୍ତି।
