ବାଲେଶ୍ୱର: ବିଷାକ୍ତ ଖାଦ୍ୟ ଖାଇ ୩୫ ଜଣ ଅସୁସ୍ଥ ହୋଇ ପଡ଼ିଛନ୍ତି । ଗୋଟିଏ ପରିବାର ସହ ସେମାନଙ୍କ ସମ୍ପର୍କୀୟ ଅସୁସ୍ଥ ହୋଇ ପଡ଼ିଛନ୍ତି । ବାଲେଶ୍ୱର ଜିଲ୍ଲା ବୁଆଁଲା ପଞ୍ଚାୟତ ଅନ୍ତର୍ଗତ ନୂଆପୁର ସିନ୍ଧିଆ ଗାଁରେ ୩୫ରୁ ଅଧିକ ଜଣ ଅସୁସ୍ଥ ହୋଇ ପଡ଼ିଛନ୍ତି ।
ସୂଚନା ଅନୁସାରେ, ଅସୁସ୍ଥ ମାନେ ଜଣେ ନିକଟରେ ମୃତ୍ୟୁବରଣ କରିଥିବା ଜଣେ ସମ୍ପର୍କୀୟଙ୍କ ଶୁଦ୍ଧିକ୍ରିୟାରେ ସାମିଲ୍ ହୋଇଥିଲେ । ଶୁଦ୍ଧିକ୍ରିୟାରେ ପ୍ରାୟ ୪୦ ଜଣ ସାମିଲ୍ ହୋଇଥିବା ବେଳେ କାର୍ଯ୍ୟକ୍ରମରେ ଖାଦ୍ୟ ବ୍ୟବସ୍ଥା ହୋଇଥିଲା ।
ତେବେ ଶୁଦ୍ଧିକ୍ରିୟା ଭୋଜି ଖାଇବା ପରେ ପ୍ରାୟ ୩୫ ଜଣ ବାନ୍ତି କରିବା ସହ ପେଟ ଯନ୍ତ୍ରଣା ନେଇ ଅଭିଯୋଗ କରିଥିଲେ । ତୁରନ୍ତ ସମସ୍ତଙ୍କୁ ବାଲେଶ୍ୱର ଜିଲ୍ଲା ହସ୍ପିଟାଲରେ ଭର୍ତ୍ତି କରାଯାଇଥିଲା । ଏବେ ସମସ୍ତଙ୍କ ଅବସ୍ଥା ସ୍ଥିର ରହିଥିବା ଏବଂ ସୁସ୍ଥ ଅନୁଭବ କରୁଥିବା ଜଣାପଡ଼ିଛି ।
