ବାରିପଦା: ବାରିପଦା ବ୍ଲକ ତଥା ମୁନିସିପାଲିଟିର ଜଣେ ଆଦର୍ଶ ଶିକ୍ଷକ ଅଗସ୍ତି ବେହେରା ଆଜି ପୂର୍ବାହ୍ନ ୧୦. ୩୦ ରେ ୭୫ ବର୍ଷ ବୟସରେ ଶେଷ ନିଃଶ୍ୱାସ ତ୍ୟାଗ କରିଛନ୍ତି I ଉଦଳା ବ୍ଲକର ବଡଖମ୍ବ ପ୍ରାଥମିକ ବିଦ୍ୟାଳୟରୁ ଚାକିରି ଆରମ୍ଭ କରି ବାରିପଦା ମୁନିସିପାଲିଟିର ବଳରାମପୁର ପ୍ରାଥମିକ ତଥା ଆରତୀ ବିଦ୍ୟା ମନ୍ଦିରରେ ଦୀର୍ଘ ବର୍ଷ ଧରି ଶିକ୍ଷକତା କରି ଚାକିରିରୁ ଅବସର ଗ୍ରହଣ କରିଥିଲେ I ଜଣେ ମେଳାପୀ, ଛାତ୍ରବତ୍ସଳ, ସମୟାନୁବର୍ତ୍ତୀ ଶିକ୍ଷକ ଭାବେ ସେ ଛାତ୍ରଛାତ୍ରୀ ଓ ଅବିଭାବକ ମହଲରେ ବେଶ ପରିଚିତ ଥିଲେ I ଶିକ୍ଷକ ଭାବେ ତାଙ୍କର କାର୍ଯ୍ୟକଳାପ ଯୁବ ଶିକ୍ଷକ ମାନଙ୍କ ପାଇଁ ଉଦାହରଣ ହୋଇ ରହିବ I ତାଙ୍କର ବହୁ ଛାତ୍ରଛାତ୍ରୀ ଆଜି ସମାଜରେ ଉଚ୍ଚ ପଦପଦବୀରେ ଅବସ୍ଥାପିତ I ସେ ବହୁ ଦିନରୁ ଅସୁସ୍ଥ ଥିଲେ I ଖବର ପାଇ ସ୍ଥାନୀୟ ଅଂଚଳରେ ଶୋକର ଛାୟା ଖେଳି ଯାଇଛି I ଦାରୋଗାଦାହି ସ୍ଥିତ ଶ୍ମସାନ ଘାଟରେ ତାଙ୍କର ଶେଷ କୃତ୍ୟ ସମ୍ପନ୍ନ ହୋଇଯାଇଛି I ତାଙ୍କର ଏକ ମାତ୍ର ପୁତ୍ର ରାଧେଶ୍ୟାମ ବେହେରା ମୁଖାଗ୍ନି ଦେଇଥିଲେ I
