ଯାଜପୁର/ରୋଡ଼/ଟାଉନ : ଯାଜପୁର ଜିଲ୍ଲା ପାଣିକୋଇଲି ଛକରେ ଥିବା ପଣ୍ଡା ଅଳଙ୍କାର ଦୋକାନରେ ଆଜି ମଧ୍ୟାହ୍ନ ରେ ସଶସ୍ତ୍ର ଡକାୟତି ଉଦ୍ୟମ ହୋଇଛି l ଡକାୟତଙ୍କ ଗୁଳିରେ ଦୋକାନର ଦୁଇ କର୍ମଚାରୀ ଗୁରୁତର ଆହତ ହୋଇଛନ୍ତି l ତେବେ ପରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣଙ୍କ ଅଵସ୍ଥା ଗୁରୁତର ଥିବାରୁ କଟକ ସ୍ଥାନାନ୍ତର ହୋଇଛନ୍ତି l
ମୃତକ ହେଲେ ନୀଳମାଧଵ ପଣ୍ଡା । ଅନ୍ୟ ଗୁରୁତରଙ୍କର ମଧ୍ୟ ମେଡିକାଲ୍ ରେ ମୃତ୍ୟୁ ହୋଇଯାଇଥିବା ପରେ ଜାଣିବାକୁ ମିଳିଛି l ଅନ୍ୟ ଜଣେ ମୃତକ ହେଲେ ସୁନୀଲ ରାୟ l ଡକାୟତିରେ ସାମିଲ 4 ଡକାୟତଙ୍କ ମଧ୍ୟରୁ ଦୁଇ ଡକାୟତଙ୍କୁ ଲୋକେ କାବୁ କରି ପୁଲିସର ଜିମା ଦେଇଛନ୍ତି l ଏହି ଘଟଣାର ଜଣେ ଅଭିଯୁକ୍ତ ମାଡ ଖାଇ ଗୁରୁତର ଅବସ୍ଥାରେ ଯାଜପୁର ମେଡିକାଲରେ ଭର୍ତ୍ତି ହୋଇଛି ।
ପୋଲିସ ହେପାଜତରେ ତାର ଚିକିତ୍ସା ଚାଲିଥିବା ଜଣାଯାଇଛି । ପୁଲିସ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଛି l ଡକାୟତିରେ ବ୍ୟବହୃତ ଗୋଟିଏ ବନ୍ଧୁକ,ଖୋକା ଓ ଗୋଟିଏ ମୋଟର ସାଇକେଲକୁ ପୁଲିସ ଜବତ କରିଛି l ଘଟଣା ସ୍ଥଳରେ ଉତ୍ତେଜନା ଲାଗିରହିଛି l
