କଟକ : ଝୁଲନ୍ତା ଅବସ୍ଥାରେ ମହିଳାଙ୍କ ମୃତଦେହ ଉଦ୍ଧାର । ହତ୍ୟା ଅଭିଯୋଗ । କଟକ ଚାଉଳିଆଗଞ୍ଜ ଥାନା ଅଂଚଳରେ ମହିଳାଙ୍କ ଝୁଲନ୍ତା ଅବସ୍ଥାରେ ମୃତଦେହ ଉଦ୍ଧାର ହୋଇଛି । ମୃତ ମହିଳା ହେଲେ ସୁଭଦ୍ରା ସାହୁ । ଚାଉଳିଆଗଞ୍ଜ ଥାନାରେ ଗତ ୧୪ ତାରିଖରେ ଲିଖିତ ହତ୍ୟା ଅଭିଯୋଗ କରିଛନ୍ତି ପରିବାର ଲୋକେ ।
୨୦୧୬ରେ କଟକ ଭଦ୍ରେଶ୍ୱର୍ ଥାନା ଗୋଡଗୋପ ଅଞ୍ଚଳର ସୁଭଦ୍ରା ସାହୁ ଚାଉଳିଆଗଞ୍ଜ ଅଞ୍ଚଳର ମଣିନାଥ ସାହୁଙ୍କୁ ବିବାହ କରିଥିଲେ । ତାଙ୍କର ୨ ସନ୍ତାନ ମଧ୍ୟ ଅଛନ୍ତି । ଗତ ୨ ବର୍ଷ ହେଲା ବାପଘରୁ ୨୦ ଲକ୍ଷ ଟଙ୍କା ଆଣିବା ପାଇଁ ସୁଭଦ୍ରାଙ୍କୁ ଶ୍ୱଶୁର ଘର ଲୋକେ ନିର୍ଯାତନା ଦେଇଆସୁଥିବା ଅଭିଯୋଗ କରିଛନ୍ତି ପରିବାର ଲୋକେ । ଘଟଣାକୁ ନେଇ ତଦନ୍ତ ଆରମ୍ଭ କରିବା ସହ ୩ ଜଣଙ୍କୁ ଅଟକ ରଖି ପଚରା ଉଚରା କରୁଛି ଚାଉଳିଆଗଞ୍ଜ ଥାନା ପୋଲିସ |
