ଭୁବନେଶ୍ୱର: ରାଜ୍ୟ କଂଗ୍ରେସର ପିସିସି ସଭାପତିକୁ ନେଇ କସରତ ଚାଲିଛି | ପିସିସି କାର୍ଯ୍ୟାଳୟରେ ସରିଲା ପ୍ରଥମ ପର୍ଯ୍ୟାୟ ବୈଠକ। ସବୁ ବିଧାୟକ ଏଵଂ ଷ୍ଟିୟରିଂ କମିଟି ସଦସ୍ୟଙ୍କୁ ନେଇ ଚାଲିଥିଲା ବୈଠକ। କିଏ ଧରିବେ କଂଗ୍ରେସର ମଙ୍ଗ, ତାକୁ ନେଇ ଆଜି ଦିନ ତମାମ ପିସିସି କାର୍ଯ୍ୟାଳୟ ଭିତରେ ଚାଲିଛି ଘମାସନ। କଂଗ୍ରେସ ନେତା ଚରଣ ଦାସ ମହନ୍ତ ଏଵଂ ମିନାକ୍ଷୀ ନଟରାଜନଙ୍କ ଉପସ୍ଥିତିରେ ବସିଥିଲା ଏହି ବୈଠକ। ଏହି ଦୁଇ ନେତା ଏଆଇସିସି ପାଖରେ କାହା ନାଁ ରେ ମୋହରମାରିବେ ତାକୁ ନେଇ ଆଜି ଦିନ ତମାମ କଂଗ୍ରେସ କାର୍ଯ୍ୟାଳୟ ଭିତରେ ଦେଖିବାକୁ ମିଳିଥିଲା ଗହଳି ଚହଳି। ଅନ୍ୟପଟେ ମୋକିମ, ଶ୍ରୀକାନ୍ତ କିମ୍ବା ଜୟଦେବଙ୍କ ନାଁକୁ ନେଇ ଚର୍ଚ୍ଚା ଜୋର ଧରିଛି।
ମୁଁ ମଧ୍ୟ ପିସିସି ସଭାପତି ରେସରେ ନାହିଁ | ମୁଁ ଦଳର ଜଣେ ଶୃଙ୍ଖଳିତ କର୍ମୀ ଦଳ ଯେତେବେଳେ ଯେଉଁ ନିର୍ଦ୍ଦେଶ ଦେବ ମୁଁ ତାକୁ ଅନୁପାଳନ କରିବି | ସେହିପରି ବରିଷ୍ଠ କଂଗ୍ରେସ ନେତା ନିରଞ୍ଜନ ପଟ୍ଟନାୟକ କହିଛନ୍ତି ଯେ କଂଗ୍ରେସ ଦଳରେ ଅନେକ ଯୋଗ୍ୟ ନେତା ଅଛନ୍ତି | ଏଭଳି ଯୋଗ୍ୟ ନେତା ଅନ୍ୟ ଦଳରେ ମଧ୍ୟ ନାହାନ୍ତି | ପିସିସି ସଭାପତି ରେସରେ ମୁଁ ନାହିଁ | ଦଳ ଯୁବକମାନଙ୍କୁ ଅଧିକ ଦାୟିତ୍ୱ ଦେବାର ଆବଶ୍ୟକ ରହିଛି |
