ଆଗରପଡ଼ା :ବନ୍ତ ବ୍ଲକ ଛୟାଳସିଂ ପଞ୍ଚଚାୟତ ଅନ୍ତର୍ଗତ ପଳସା ପ୍ରାଥମିକ ବିଦ୍ୟାଳୟରେ ଅଭିଭାବକ ସମ୍ମିଳନୀ ଅନୁଷ୍ଠିତ ହୋଇଯାଇଛି । ବିଦ୍ୟାଳୟ ପ୍ରଧାନ ଶିକ୍ଷକ ଶକ୍ତିଧର ଜେନାଙ୍କୁ ଏହି ଅବସରରେ ଅବସରକାଳୀନ ସମ୍ବର୍ଦ୍ଧନା ଦିଆଯାଇଥିଲା । ଅନୁଷ୍ଠିତ କାର୍ଯ୍ୟକ୍ରମରେ ଉଚ୍ଚ ପ୍ରାଥମିକ ବିଦ୍ୟାଳୟ ପ୍ରଧାନଶିକ୍ଷକ ସୁଦର୍ଶନ ଘଡାଇ ସଭାପତିତ୍ୱ କରିଥିବା ବେଳେ ଆଞ୍ଚଚଳିକ ସାଧନ କେନ୍ଦ୍ର ସଂଯୋଜକ ଗିରିଜା ଶଙ୍କର ଲେଙ୍କା, ପରିଚାଳନା କମିଟି ସଭାପତି କାଳନ୍ଦୀ ଦାସ, ଅଙ୍ଗନୱାଡି କର୍ମୀ ସ୍ୱର୍ଣ୍ଣଲତା ତ୍ରିପାଠୀ, ରାଜଶ୍ରୀ ନାୟକ, ପୂଜାରାଣି ଖମାରୀ, ମାନସ କୁମାର ଦେ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଶ୍ରୀ ଜେନା ଜଣେ ଛାତ୍ର ବତ୍ସଳ ଓ ସବୁ ଜ୍ଞାନର ଅଧିକାରୀ ଥିଲେ । ତାଙ୍କ ବିଦାୟରେ ବିଦ୍ୟାଳୟର ଏକ ଅପୂରଣୀୟ କ୍ଷତି ଘଟିଲା ବୋଲି ଅତିଥି ଭାନେ ମତପ୍ରକାଶ କରିଥିଲେ । ଏହି ଅବସରରେ ଶ୍ରୀ ଜେନାଙ୍କୁ ଉପଢୌକନ ଓ ମାନପତ୍ର ପ୍ରଦାନ ପୂର୍ବକ ଅବସର କାଳୀନ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା ।
