ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ କେନ୍ଦ୍ର କ୍ୟାବିନେଟ ଚନ୍ଦ୍ରାୟନ-୪ ମିଶନକୁ ସବୁଜ ସଂକେତ ଦେଇଛନ୍ତି | କେନ୍ଦ୍ର କ୍ୟାବିନେଟ ଏହାକୁ ମଂଜୁର କରିଥିବାବେଳେ ଚନ୍ଦ୍ରାୟନ-୪ ମିଶନ ଅଧୀନରେ ଚନ୍ଦ୍ରରେ ଅବତରଣ କରିବା, ନମୁନା ସଂଗ୍ରହ କରିବା ଏବଂ ନିରାପଦରେ ପୃଥିବୀକୁ ଫେରାଇ ଆଣିବାର ଲକ୍ଷ୍ୟ ରହିଛି | ସେହିପରି ଶୁକ୍ର ଅର୍ବିଟର ମିଶନ ଏବଂ ଭାରତୀୟ ଅନ୍ତରୀକ୍ଷ ଷ୍ଟେସନ (BAS) ପ୍ରତିଷ୍ଠା ପାଇଁ ମଧ୍ୟ କ୍ୟାବିନେଟ ଅନୁମୋଦନ କରିଛି।
ଏନଜିଏଲଭିର ବିକାଶ ଦ୍ୱାରା ଜାତୀୟ ଓ ବାଣିଜ୍ୟିକ ମିସନ ସଫଳ ହୋଇପାରିବ । ଏହା ମଧ୍ୟରେ ଭାରତୀୟ ଅନ୍ତରୀକ୍ଷ ଷ୍ଟେସନକୁ ମାନବରହିତ ମହାକାଶଯାନ ପ୍ରେରଣ, ଚନ୍ଦ୍ର ଓ ଅନ୍ତରୀକ୍ଷ ଗବେଷଣା ଅଭିଯାନ, ପୃଥିବୀର ନିମ୍ନ କକ୍ଷରେ ସଞ୍ଚାର ଓ ପୃଥିବୀ ଉପରେ ଦୃଷ୍ଟି ରଖୁଥିବା ଉପଗ୍ରହ ଅବସ୍ଥାପିତ କରିବା ଅନ୍ତର୍ଭୁକ୍ତ । ଏହାଦ୍ୱାରା ଦେଶର ମୋଟ ଅନ୍ତରୀକ୍ଷ ଅଭିଯାନକୁ ଫାଇଦା ମିଳିପାରିବ । ଏହି ପ୍ରକଳ୍ପ ଦେଶର ମହାକାଶ ଅଭିଯାନ ଓ ଗବେଷଣା କ୍ଷମତାକୁ ସୁଦକ୍ଷ କରିବ ।
