ଲକ୍ଷ୍ନୌ: ଖୁବ ଶୀଘ୍ର ଉତ୍ତରପ୍ରଦେଶର ୧୦ଟି ବିଧାନସଭା ଆସନରେ ଉପ-ନିର୍ବାଚନ ହେବାକୁ ଯାଉଛି। ଏହି ଉପ-ନିର୍ବାଚନର ତାରିଖ ଘୋଷଣା କରାଯାଇ ନାହିଁ, କିନ୍ତୁ ସମସ୍ତ ରାଜନୈତିକ ଦଳ ଏଥିପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ଏହି ପରିପ୍ରେକ୍ଷୀରେ ନିର୍ବାଚନ ଏକାଠି ଲଢ଼ିବା ପାଇଁ ଏସପି ଏବଂ କଂଗ୍ରେସ ମଧ୍ୟରେ ଆଲୋଚନା ଚାଲିଛି। ଏ ସମ୍ପର୍କରେ ପ୍ରିୟଙ୍କା ଗାନ୍ଧୀ ଶନିବାର ସନ୍ଧ୍ୟାରେ ଦିଲ୍ଲୀରେ ୟୁପି ସଭାପତି ଅଜୟ ରାୟ ଏବଂ ସମସ୍ତ ନୂତନ ନିଯୁକ୍ତ ସଚିବଙ୍କୁ ଭେଟିଥିଲେ।
ସୂଚନାନୁସାରେ, ୟୁପିର ୧୦ଟି ଆସନରେ ଉପ-ନିର୍ବାଚନ ସମ୍ପର୍କରେ ଆଲୋଚନା ହୋଇଥିଲା। ପ୍ରକାଶ ଯେ, ଏସପି ଏବଂ କଂଗ୍ରେସ ମଧ୍ୟରେ ମେଣ୍ଟ ପାଇଁ ପ୍ରିୟଙ୍କା ଗାନ୍ଧୀ ୬୦-୪୦ ଫର୍ମୁଲା ଉପରେ ଜୋର୍ ଦେଉଛନ୍ତି।
ସେ କଂଗ୍ରେସ ନେତାମାନଙ୍କୁ ୪ ଟି ଆସନରୁ କମ୍ ଦେଲେ ରାଜି ନ ହେବାକୁ ସ୍ପଷ୍ଟ ନିର୍ଦ୍ଦେଶ ଦେଇଛନ୍ତି। ତେବେ ଲୋକସଭା ନିର୍ବାଚନର ସୂତ୍ର ଅନୁଯାୟୀ ଉପ-ନିର୍ବାଚନରେ ଏକ ମିଳିତ ମେଣ୍ଟ ଚାହୁଁଛି କଂଗ୍ରେସକୁ ସର୍ବାଧିକ ୨ଟି ସିଟ୍ ପ୍ରଦାନ କରାଯାଉ। କଂଗ୍ରେସ ଫର୍ମୁଲା ଅନୁଯାୟୀ, ଯଦି ଉଭୟ ଦଳର ନେତୃତ୍ୱରେ ଅନ୍ତିମ ଆଲୋଚନା ହୁଏ, ତେବେ କଂଗ୍ରେସ ୩ଟି ଆସନରେ ରାଜି ହେବ।
ଏପର୍ଯ୍ୟନ୍ତ ୟୁପିରେ ଉପ-ନିର୍ବାଚନ ଘୋଷଣା କରାଯାଇ ନାହିଁ, କିନ୍ତୁ ଏସପି ସଭାପତି ଅଖିଳେଶ ଯାଦବ ଏକପାଖିଆ ଭାବେ ଅଯୋଧ୍ୟାର ମିଲ୍କିପୁର ବିଧାନସଭା ଆସନରେ ସାଂସଦ ଅୱଧେଶ ପ୍ରସାଦଙ୍କୁ ଟିକେଟ୍ ଦେବାକୁ ଘୋଷଣା କରିଛନ୍ତି। ଅନ୍ୟପକ୍ଷରେ ଏସପି ହରିୟାଣାରେ ମଧ୍ୟ ସିଟ୍ ଦାବି କରୁଛି, ଯେଉଁଠାରେ କଂଗ୍ରେସ ଏସପିକୁ ଗୋଟିଏ ଆସନ ଦେବାକୁ ପ୍ରସ୍ତୁତ ଅଛି।
ଅନ୍ୟପକ୍ଷରେ,୧୦ ଟି ସିଟ୍ ମଧ୍ୟରୁ ୬ଟି ପାଇଁ ଏସପି ପ୍ରଭାରି ଘୋଷଣା କରିଛନ୍ତି। ସମାଜବାଦୀ ପାର୍ଟି ଦ୍ବାରା ପ୍ରକାଶିତ ଏହି ତାଲିକାରୁ ଏହା ସ୍ପଷ୍ଟ ହୋଇଛି ଯେ ସମାଜବାଦୀ ନିଜର ପ୍ରାର୍ଥୀଙ୍କୁ ୧୦ ଟି ସିଟ୍ ମଧ୍ୟରୁ ୬ ଟିରେ ପ୍ରାର୍ଥୀ ଦେବ। ନିର୍ବାଚନ ହେବାକୁଥିବା ବିଧାନସଭା ଆସନ ମଧ୍ୟରୁ ୫ରେ ସମାଜବାଦୀ ପାର୍ଟିରୁ, ୩ରେ ବିଜେପି ଏବଂ ରାଷ୍ଟ୍ରିୟ ଲୋକ ଦଳ ତଥା ନିଶାଦ ଦଳ ଗୋଟିଏ ଲେଖାଏଁ ଆସନ ଜିତିଛନ୍ତି, ଉଭୟ ଏନଡିଏର ସହଯୋଗୀ ଅଟନ୍ତି।
