ଲଖନଉ: ଉତ୍ତରପ୍ରଦେଶରେ କାଉଡିଆଙ୍କ ଯାତ୍ରାକୁ ନେଇ ରାଜ୍ୟ ପୁଲିସ ଏକ ନିର୍ଦ୍ଦେଶନାମା ଜାରି କରିଛି, ଯେଉଁଥିପାଇଁ ରାଜନୈତିକ ଉତ୍ତେଜନା ତୀବ୍ର ହୋଇଛି। କଂଗ୍ରେସ ନେତା ପୱନ ଖେଡା ଏଥିରେ ରାଗିଯାଇ ପଚାରିଛନ୍ତି ଯେ ଯେ ହିନ୍ଦୁମାନେ ବିକ୍ରି କରୁଥିବା ମାଂସ ଡାଲି ଏବଂ ଭାତ ହୋଇଯାଏ କି? ବାସ୍ତବରେ, ବୁଧବାର ମୁଜାଫରନଗର ଜିଲ୍ଲାର ପୁଲିସ କାଉଡିଆଙ୍କ ଯାତ୍ରା ମାର୍ଗ ସମ୍ପର୍କରେ ଏକ ନିର୍ଦ୍ଦେଶ ଜାରି କରିଥିଲା ଯେଉଁଥିରେ ସମସ୍ତ ଢ଼ାବା/ହୋଟେଲମାଲିକମାନଙ୍କୁ ସେମାନଙ୍କ ହୋଟେଲ ବାହାରେ ମାଲିକମାନଙ୍କ ନାମ ଲେଖାଇବାକୁ ନିର୍ଦ୍ଦେଶ ଦିଆଯାଇଥିଲା। ଏହି ନିର୍ଦ୍ଦେଶର ଉଦ୍ଦେଶ୍ୟ ହେଉଛି ଦ୍ୱନ୍ଦ୍ୱକୁ ଏଡାଇବା | ଏହି ବିଷୟରେ ପୱନ ଖେଡା ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଏକ ଭିଡିଓ ଜାରି କରି ଉତ୍ତରପ୍ରଦେଶ ସରକାର ଉପରେ ଆକ୍ରମଣ କରିଥିଲେ।
କଂଗ୍ରେସ ନେତା କହିଛନ୍ତି, “ଫଳ ପନିପରିବା ବିକ୍ରେତା ଏବଂ ରେଷ୍ଟୁରାଣ୍ଟ ଢ଼ାବା ମାଲିକମାନେ କାଉଡିଆଙ୍କ ଯାତ୍ରା ମାର୍ଗରେ ବୋର୍ଡରେ ସେମାନଙ୍କ ନାମ ଲେଖିବାକୁ ବାଧ୍ୟ । ଏହା ମୁସଲମାନମାନଙ୍କ ଆର୍ଥିକ ବୟକଟ ପାଇଁ କରାଯାଇଛି କି? ଯେଉଁମାନେ ନିଷ୍ପତ୍ତି ନେଉଛନ୍ତି ଯେ କିଏ କଣ ଖାଇବ ଏବେ ସେମାନେ ମଧ୍ୟ ନିଷ୍ପତ୍ତି ନେବେ କାହାଠାରୁ କିଏ କଣ କିଣିବେ?” ସେ ପଚାରିଛନ୍ତି, ହିନ୍ଦୁମାନଙ୍କ ଦ୍ୱାରା ବିକ୍ରି ହୋଇଥିବା ମାଂସ ଭାତ- ଡାଲି ହୋଇଯିବ କି? ଉଲ୍ଲେଖ ଥାଉ କି ଏହି ନିର୍ଦ୍ଦେଶନାମାକୁ ନେଇ ଓୱେସି ମଧ୍ୟ ଗତକାଲି ଟାର୍ଗେଟ କରିଥିଲେ | ସେ କହିଛନ୍ତି ଯେ ଉତ୍ତରପ୍ରଦେଶ ପୁଲିସର ନିର୍ଦ୍ଦେଶ ଅନୁଯାୟୀ ବର୍ତ୍ତମାନ ପ୍ରତ୍ୟେକ ଖାଦ୍ୟ ଦୋକାନ କିମ୍ବା ଠେଲା ମାଲିକଙ୍କୁ ତାଙ୍କ ନାମ ଦୋକାନ ବାହାରେ ଲେଖିବାକୁ ପଡିବ, ଯାହାଫଳରେ କୌଣସି କାଉଡିଆ ଭୁଲରେ ମୁସଲମାନଙ୍କ ଦୋକାନରୁ କିଛି କିଣି ଏହାକୁ ଖାଇବେ ନାହିଁ।
