ଶ୍ରୀନଗର: ଅନ୍ତର୍ଜାତୀୟ ଯୋଗ ଦିବସ କାର୍ଯ୍ୟକ୍ରମରେ ଭାଗ ନେବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶୁକ୍ରବାର ଜମ୍ମୁକଶ୍ମୀରରେ ପହଞ୍ଚିଛନ୍ତି। ଆତଙ୍କବାଦୀ ଆକ୍ରମଣ ମଧ୍ୟରେ ମୋଦୀଙ୍କ କାଶ୍ମୀର ଗସ୍ତକୁ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି । ତାଙ୍କର କାଶ୍ମୀର ଗସ୍ତକୁ ଦୃଷ୍ଟିରେ ରଖି କଡା ସୁରକ୍ଷା ବ୍ୟବସ୍ଥା କରାଯାଇଛି, ଏହି ଅଞ୍ଚଳର ପ୍ରତ୍ୟେକ କୋଣ ଅନୁକୋଣରେ ବହୁ ସଂଖ୍ୟାରେ ସୁରକ୍ଷା ବାହିନୀ ନିୟୋଜିତ କରାଯାଇଛି। ଶ୍ରୀନଗରରେ ‘ଯୁବ ସଶକ୍ତିକରଣ, ଜାମ୍ମୁ କାଶ୍ମୀରରେ ପରିବର୍ତ୍ତନ’ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ସମ୍ବୋଧିତ କରିଛନ୍ତି। ଏହି ସମୟ ମଧ୍ୟରେ ସେ କହିଛନ୍ତି, “ଗତ କିଛି ଦଶନ୍ଧି ଧରି ଭାରତ ଅସ୍ଥିର ସରକାର ପାଇଲା | ଆଜି ଦେଶ ନୂତନ ଶିଖରରେ ପହଞ୍ଚୁଛି। ନିକଟରେ ଅନୁଷ୍ଠିତ ନିର୍ବାଚନରେ ଜାମ୍ମୁକାଶ୍ମୀର ମଧ୍ୟ ଉତ୍ସାହର ସହିତ ଅଂଶଗ୍ରହଣ କରିଥିଲା ଏବଂ ଯେଉଁମାନେ ଗଣତନ୍ତ୍ରର ଏହି ପର୍ବରେ ଅଂଶଗ୍ରହଣ କରିଥିଲେ ଓ ମାନବିକତା, ଗଣତନ୍ତ୍ର ଏବଂ କାଶ୍ମୀରକୁ ପ୍ରକୃତ ମୂଲ୍ୟବୋଧ ପ୍ରଦାନ କରିଥିଲେ ସେମାନଙ୍କୁ ଭେଟିବା ପାଇଁ ଏଠାକୁ ଆସିଛି |
ପ୍ରଧାନମନ୍ତ୍ରୀ ମୋଦୀ କହିଛନ୍ତି, “ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ଆରମ୍ଭ ହୋଇଛି। ଆଜି ଜାମ୍ମୁ କାଶ୍ମୀରରେ ଭାରତର ସମ୍ବିଧାନ ପ୍ରକୃତ ଅର୍ଥରେ କାର୍ଯ୍ୟକାରୀ ହୋଇଛି ଏବଂ ଏସବୁ ହେଉଛି କାରଣ ଧାରା ୩୭୦ର କାନ୍ଥ ଭାଙ୍ଗିସାରିଛି | ଆପଣ ଗତ ୩୫-୪୦ ବର୍ଷର ରେକର୍ଡ ଭାଙ୍ଗିଛନ୍ତି | ସେ ଏହା ମଧ୍ୟ କହିଛନ୍ତି ଯେ ଜାମ୍ମୁ କାଶ୍ମୀରରେ ଆସୁଥିବା ଏହି ପରିବର୍ତ୍ତନ କେନ୍ଦ୍ର ସରକାରଙ୍କ ୧୦ ବର୍ଷର ପ୍ରୟାସର ଫଳାଫଳ। ପାକିସ୍ତାନରୁ ଆସିଥିବା ଶରଣାର୍ଥୀମାନେ ମଧ୍ୟ ପ୍ରଥମ ଥର ପାଇଁ ଭୋଟ୍ ଦେଇଛନ୍ତି। ପଞ୍ଚାୟତ, ପୌରପାଳିକା ଏବଂ ମ୍ୟୁନିସିପାଲିଟି କର୍ପୋରେସନରେ ପ୍ରଥମ ଥର ପାଇଁ ଓବିସି ସଂରକ୍ଷଣ କାର୍ଯ୍ୟକାରୀ କରାଯାଇଛି। ସେ ଆହୁରି ମଧ୍ୟ କହିଛନ୍ତି ଯେ ମୁଁ ଦେଶ ପାଇଁ ଦିନରାତି ଯାହା କରୁଛି, ମୁଁ ଭଲ ଉଦ୍ଦେଶ୍ୟରେ ଏହା କରୁଛି। କାଶ୍ମୀରର ପୂର୍ବ ପିଢ଼ି ଯାହା ଭୋଗିଛନ୍ତି ସେଥିରୁ ମୁକ୍ତି ପାଇବା ପାଇଁ ମୁଁ ବହୁତ ଆନ୍ତରିକତା ଏବଂ ନିଷ୍ଠା ସହିତ କାର୍ଯ୍ୟ କରୁଛି |
