ଚଣ୍ଡିଗଡ଼: ବିଧାନସଭା ନିର୍ବାଚନ ପୂର୍ବରୁ କଂଗ୍ରେସ ଏକ ବଡ଼ ଝଟ୍କା ମିଳିଛି। ଲୋକସଭା ନିର୍ବାଚନରେ ତାଙ୍କ ଝିଅକୁ ଟିକେଟ୍ ନ ଦିଆଯିବା ପରେ ଦଳ ବିରୋଧରେ ସ୍ୱର ଉତ୍ତୋଳନ କରିଥିବା କଂଗ୍ରେସ ବିଧାୟକ କିରଣ ଚୌଧୁରୀ ଏବଂ ତାଙ୍କ ଝିଅ ପୂର୍ବତନ ସାଂସଦ ଶ୍ରୁତି ଚୌଧୁରୀ ମଙ୍ଗଳବାର ଦଳରୁ ଇସ୍ତଫା ଦେଇଛନ୍ତି। ସେମାନେ ତାଙ୍କର ସମସ୍ତ ସମର୍ଥକଙ୍କୁ ଦିଲ୍ଲୀରେ ପହଞ୍ଚିବାକୁ ନିର୍ଦ୍ଦେଶ ଦେଇଛନ୍ତି।
ସେମାନେ ଦିଲ୍ଲୀର ପାର୍ଟି ମୁଖ୍ୟାଳୟରେ ବିଜେପିରେ ଯୋଗଦେବାର କାର୍ଯ୍ୟକ୍ରମ ରହିଛି। ଏହି ଅବସରରେ ହରିୟାଣା ମୁଖ୍ୟମନ୍ତ୍ରୀ ନାୟବ ସିଂ ସୈନି ଏବଂ କେନ୍ଦ୍ର ମନ୍ତ୍ରୀ ମନୋହର ଲାଲ ଖଟ୍ଟର ମଧ୍ୟ ଉପସ୍ଥିତ ରହିବାର କାର୍ଯ୍ୟକ୍ରମ ଅଛି।
ଭିୱାନି-ମହେନ୍ଦ୍ରଗଡ ଲୋକସଭା ଆସନରୁ ତାଙ୍କ ଝିଅ ଶ୍ରୁତିଙ୍କ ପାଇଁ କିରଣ କଂଗ୍ରେସରୁ ଟିକେଟ ମାଗିଥିଲେ, କିନ୍ତୁ ଦଳ ତାଙ୍କ ସ୍ଥାନରେ ମହେନ୍ଦ୍ରଗଡରୁ କଂଗ୍ରେସ ବିଧାୟକ ରାଓ ଦାନ ସିଂଙ୍କୁ ଟିକେଟ ଦେଇଥିଲା।
ତେବେ ନିର୍ବାଚନରେ ସେ ପରାସ୍ତ ହୋଇଥିଲେ। ଏହା ପରେ ରାଓ ଦାନ ସିଂ କରିଣ ଚୌଧୁରୀଙ୍କୁ ତାଙ୍କ ନାମ ନ ନେଇ ସେ ତାଙ୍କ ପ୍ରତି ବିଶ୍ବାସଘାତ କରିଥିବା ଅଭିଯୋଗ କରିଥିଲେ। ଏଥି ସହ କିରଣ ଏହାକୁ ବିରୋଧ କରି କହିଥିଲେ ଯେ ଯଦି ଟିକେଟ ଠିକ ଭାବେ ବଣ୍ଟନ କରାଯାଇଥାନ୍ତା ତେବେ କଂଗ୍ରେସ ଏଠାରୁ ନିର୍ବାଚନରେ ବିଜୟୀ ହୋଇଥାନ୍ତା।
