ନୂଆଦିଲ୍ଲୀ: ପ୍ରଥମ ଥର ପାଇଁ ଅମୁଲ୍ ତାଜା କ୍ଷୀର ଭାରତ ବାହାରେ ଉପଲବ୍ଧ ହେବ ଏବଂ ଗୁଜରାଟ ସମବାୟ ଦୁଗ୍ଧ ମାର୍କେଟିଂ ଫେଡେରେସନ୍ (ଜିସିଏମ୍ଏମ୍ଏଫ୍) ଭାରତୀୟ ପ୍ରବାସୀ ଏବଂ ଏସୀୟ ଜନସଂଖ୍ୟାକୁ ସେବା ଯୋଗାଇବା ପାଇଁ ଏକ ସପ୍ତାହ ମଧ୍ୟରେ ଆମେରିକା ବଜାରରେ 4 ପ୍ରକାର କ୍ଷୀର ଲଞ୍ଚ କରବ। ‘ଆମେ ଅନେକ ଦଶନ୍ଧି ଧରି ଦୁଗ୍ଧ ଜାତ ଦ୍ରବ୍ୟ ରପ୍ତାନି କରୁଛୁ। ତେବେ, ପ୍ରଥମ ଥର ପାଇଁ ଆମେ ଭାରତ ବାହାରେ ତାଜା କ୍ଷୀର ଲଞ୍ଚ କରୁଛୁ’; ବୋଲି ଜିସିଏମ୍ଏମ୍ଏଫ୍ ର ଏମ୍ଡି ଜୈନ ମେହେଟ୍ଟା କହିଛନ୍ତି।
ସେ କହିଛନ୍ତି ଯେ ଜିସିଏମଏମଏଫ ୧୦୮ ବର୍ଷ ପୁରୁଣା ସମବାୟ ସଂଗଠନ ମିଚିଗାନ ଦୁଗ୍ଧ ଉତ୍ପାଦକ ସଂଘ (ଏମଏମପିଏ) ସହ ଆମେରିକା ବଜାରରେ ତାଜା କ୍ଷୀର ଲଞ୍ଚ କରିବା ପାଇଁ ଚୁକ୍ତି କରିଛି। ଦୁଗ୍ଧ ସଂଗ୍ରହ ଏବଂ ପ୍ରକ୍ରିୟାକରଣ ଏମଏମପିଏ ଦ୍ୱାରା କରାଯିବ ଏବଂ ଜିସିଏମଏମଏଫ ଅମୁଲ ତାଜା କ୍ଷୀରର ମାର୍କେଟିଂ ଏବଂ ବ୍ରାଣ୍ଡିଂ କରିବ।
‘ସପ୍ତାହକ ମଧ୍ୟରେ ଅମୁଲ ତାଜା, ଅମୁଲ ଗୋଲ୍ଡ, ଅମୁଲ ଶକ୍ତି ଓ ଅମୁଲ ସ୍ଲିମ୍ ଏନ୍ ଟ୍ରିମ୍ ଆମେରିକା ବଜାରରେ ଉପଲବ୍ଧ ହେବ’। ନ୍ୟୁୟର୍କ, ନ୍ୟୁଜର୍ସି, ଚିକାଗୋ, ୱାଶିଂଟନ, ଡାଲାସ ଏବଂ ଟେକ୍ସାସରେ ଅମୁଲ ଅତାଜା କ୍ଷୀର ଉପଲବ୍ଧ ହେବ ବୋଲି ମେହେଟ୍ଟା କହିଛନ୍ତି।
ଜିସିଏମଏମଏଫ ପ୍ରବାସୀ ଭାରତୀୟ (ଏନଆରଆଇ) ଏବଂ ଏସୀୟ ଜନସଂଖ୍ୟାକୁ ଟାର୍ଗେଟ କରିବ। ବିକ୍ରି ଲକ୍ଷ୍ୟ ସମ୍ପର୍କରେ ପଚରାଯିବାରୁ ସେ କହିଛନ୍ତି ଯେ ଜିସିଏମଏମଏଫ ଆଗାମୀ ୩-୪ ମାସ ପାଇଁ ବ୍ରାଣ୍ଡିଂ ଏବଂ ମାର୍କେଟିଂ ଉପରେ ଧ୍ୟାନ ଦେବ। ଗ୍ରାହକଙ୍କ ଠାରୁ ଭଲ ପ୍ରତିକ୍ରିୟା ଆଶା କରାଯାଉଛି ବୋଲି ସେ କହିଛନ୍ତି।
ନିକଟ ଭବିଷ୍ୟତରେ ଜିସିଏମଏମଏଫ ପନିର, ଦହି ଏବଂ ବଟର କ୍ଷୀର ଭଳି ତାଜା ଦୁଗ୍ଧ ଉତ୍ପାଦ ମଧ୍ୟ ଆରମ୍ଭ କରିବ ବୋଲି ମେହେଟା କହିଛନ୍ତି।
