ଜ୍ୟାକଲିନ ଫର୍ଣ୍ଣାଡିଜ୍ଙ୍କ ପିଟିସନର ଜବାବରେ ଦାଖଲ ଏକ ଆଫିଡେଭିଟ୍ରେ ଇଡି ଏହି ଯୁକ୍ତି ଦର୍ଶାଇଛି । କହି ରଖୁଛୁ, ଅଭିନେତ୍ରୀ ନିଜ ପିଟିସନରେ ଚନ୍ଦ୍ରଶେଖରଙ୍କ ସହ ଜଡ଼ିତ ମନି ଲଣ୍ଡରିଂ ମାମଲାରେ ତାଙ୍କ ବିରୋଧରେ ଏଫ୍ଆଇଆର୍ ରଦ୍ଦ କରିବାକୁ ଦାବି କରିଥିଲେ । ହାଇକୋର୍ଟ ଏହି ମାମଲାକୁ ଏପ୍ରିଲ ୧୫ରେ ପରବର୍ତ୍ତୀ ଶୁଣାଣି ପାଇଁ ତାଲିକାଭୁକ୍ତ କରିଥିଲେ ।
ନିଜର ଜବାବରେ ଇଡି ଦାବି କରିଛି ଯେ ଜ୍ୟାକଲିନ କେବେ ବି ଚନ୍ଦ୍ରଶେଖରଙ୍କ ସହ ଆର୍ଥିକ ଲେଣଦେଣ ବିଷୟରେ ସତ୍ୟତାର ଖୁଲାସା କରି ନାହାନ୍ତି ଏବଂ ପ୍ରମାଣ ମିଳିବା ପର୍ଯ୍ୟନ୍ତ ସବୁବେଳେ ତଥ୍ୟ ଲୁଚାଇ ରଖିଛନ୍ତି । ଇଡି କହିଛି, ପ୍ରଥମେ ନିଜ ବୟାନରେ ଏହା କହି ଅଭିନେତ୍ରୀ ନିଜକୁ ବଞ୍ଚାଇବାକୁ ଚେଷ୍ଟା କରିଥିଲେ କି, ସେ ଚନ୍ଦ୍ରଶେଖରଙ୍କ ଦ୍ୱାରା ନିର୍ଯାତନାର ଶିକାର ହୋଇଛନ୍ତି । ଯଦିଓ ତଦନ୍ତ ବେଳେ ସେ ଏହାକୁ ପ୍ରମାଣ କରିବାରେ ବିଫଳ ରହିଥିଲେ ।
