ନିଶ୍ଚିନ୍ତକୋଇଲି : କୋଲଣପୁର ପଞ୍ଚାୟତ କୁଳିଆ ଠାରେ ଥିବା କାଶିପୁର ମୁକ୍ତେଶ୍ୱର ସରକାରୀ ନୋଡ଼ାଲ ଉଚ୍ଚ ବିଦ୍ୟାଳୟର ୫୬ତମ ବାର୍ଷିକ ଉତ୍ସବ ପାଳିତ ହୋଇଛି । ପ୍ରଧାନଶିକ୍ଷୟିତ୍ରୀ ପ୍ରଭାତୀ ମିଶ୍ର ଙ୍କ ସଭାପତିତ୍ୱ ରେ ଏଥ୍ôରେ ମୁଖ୍ୟ ଅତିଥି ଭାବେ ମଣ୍ଡଳ ଶିକ୍ଷାଧିକାରୀ ଲକ୍ଷେହୀରା ଲାବଣ୍ୟବତୀ ବେହେରା ଯୋଗ ଦେଇ ସବୁକ୍ଷେତ୍ରରେ ପ୍ରତିଯୋଗିତାମୂଳକ ମନଭାବ ରଖି କାର୍ଯ୍ୟ କଲେ ସଫଳତାର ଶୀର୍ଷରେ ପହଞ୍ଚିହେବ ବୋଲି ଛାତ୍ର ଛାତ୍ରୀମାନଙ୍କୁ ପରାମର୍ଶ ଦେଇଥିଲେ । ଏଥ୍ôରେ ମୁଖ୍ୟବକ୍ତା ଭାବେ ଶିକ୍ଷକ ନେତା ପ୍ରେମାନନ୍ଦ ଜେନା ଯୋଗଦେଇ ଶିକ୍ଷା ସହିତ ବ୍ୟବହାରିକ ଜ୍ଞାନ ଉଜ୍ୱଳ ଭବିଷ୍ୟତ ଗଠନ କରିଥାଏ ବୋଲି ପ୍ରକାଶ କରିଥିଲେ । ଏଥ୍ôରେ ସମ୍ମାନିତ ଅତିଥି ଭାବେ ସରପଞ୍ଚ ଗୋପବନ୍ଧୁ ସେଠୀ, ସ୍କୁଳ ପରିଚାଳନା କମିଟି ସଭାପତି ପ୍ରଶାନ୍ତ ବାରିକ, ସାମ୍ବାଦିକ ସୁରେନ୍ଦ୍ରନାଥ ରାଉତ ପ୍ରମୁଖ ଯୋଗ ଦେଇଥିଲେ ।
ଶିକ୍ଷକ ସରୋଜ କୁମାର ପ୍ରଧାନଙ୍କ ସଂଯୋଜନାରେ ଚଳିତ ବର୍ଷ ରାଜ୍ୟ ସ୍ତରରେ କ୍ରୀଡ଼ାରେ ସଫଳତା ପାଇଁ ୪ଜଣ ଛାତ୍ର ଛାତ୍ରୀ ଏବଂ ବାର୍ଷିକ କ୍ରୀଡ଼ାରେ ଚମ୍ପିୟନ ହୋଇଥିବା ଜ୍ୟୋତିରଂଜନ ବାରିକ, ଗାୟତ୍ରୀ ମୁଦୁଲି, ବିଶ୍ୱପ୍ରକାଶ ପଲେଇ ଓ ରାଣୀ ସାମଲଙ୍କୁ ପୁରସ୍କୃତ କରାଯାଇଥିଲା । କ୍ରୀଡ଼ା ଶିକ୍ଷୟିତ୍ରୀ ଲିନା ରାଉତଙ୍କ ନେତୃତ୍ୱରେ ଶିକ୍ଷକ ଉପେନ୍ଦ୍ର ସ୍ୱାଇଁ, ସସ୍ମିତା ପରିଡ଼ା,ସୁମିତା ପଣ୍ଡା, ସୁଶ୍ରୀ ସଂଗୀତା ମହାପାତ୍ର, ଶୁଭଲକ୍ଷ୍ମୀ ସାମଲ, ସବିତା ଲେଙ୍କା, ରାଜଲକ୍ଷ୍ମୀ ସାହୁ ,ରବୀନ୍ଦ୍ର ରାଉତ, ରବୀନ୍ଦ୍ର ଗୋଚ୍ଛାୟତ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଛାତ୍ର ଛାତ୍ରୀମାନଙ୍କ ଦ୍ୱାରା ବିଭିନ୍ନ ବ୍ୟାୟାମ,ଯୋଗ ଏବଂ ନୃତ୍ୟ,ଗୀତ ପରିବେଷଣ କରାଯାଇଥିଲା ।
