ଆଗରପଡ଼ା: ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲାଗି ବନ୍ତ ବ୍ଳକ ବଡ଼ମହିଷଁଗୋଠ ପଂଚାୟତରେ ବୁଧବାର ଜୟ ଜଗନ୍ନାଥ ଅର୍ପଣ ରଥ ଗଡ଼ିଛି । ସ୍ଥାନୀୟ ବିଧାୟକ ପ୍ରଫୁଲ୍ଲ ସାମଲ ଏହାର ଶୁଭ ଉଦ୍ଘାଟନ କରିଥିଲେ । ଅର୍ପଣ ରଥ ପ୍ରଥମେ ନରାଜପୁର ଗ୍ରାମର ବଳଦେବଜୀଉ ମନ୍ଦିରରେ ପହଂଚିବା ପରେ ସେଠାରେ ପୂଜାର୍ଚ୍ଚନା କରାଯିବାପରେ କୀର୍ତ୍ତନ ମଣ୍ଡଳୀର ମୃଦଙ୍ଗ,ଝାଞ୍ଜ ବାଦନ ସହ ଜୟ ଜଗନ୍ନାଥ ଧ୍ୱନିରେ ସମଗ୍ର ଅଂଚଳ ପ୍ରକମ୍ପିତ ହୋଇଥିଲା । ବିଧାୟକଙ୍କୁ ଲୋକେ ଭକ୍ତି ଭାବନା ସହ ଗୁଆ ଓ ଚାଉଳ ଅର୍ପଣ କରୁଥିବାର ଦେଖିବାକୁ ମିଳିଥିଲା ।
ଏହି ରଥ ପରିକ୍ରମା ବେଳେ ଶତାଧିକ ଲୋକ ସାମିଲ ଥିଲେ । ଏଥିରେ ବିଧାୟକଙ୍କ ସମେତ ଜିଲ୍ଲାପରିଷଦ ସଭାପତି ପ୍ରଫୁଲ୍ଲ ଜେନା, ବ୍ଲକ ଅଧ୍ୟକ୍ଷ ମନୋରଂଜନ ଘଡ଼େଇ,ବ୍ଳକ ବିଜେଡ଼ି ଯୁବ ସଭାପତି ସତ୍ୟ ସାଧନ ବେଜ,ସାଂସଦ ପ୍ରତିନିଧି ଶ୍ରୀନାଥ ମହାନ୍ତି,ସରପଂଚ ବିନୋଦିନୀ ମହାନ୍ତି,ସମିତିସଭ୍ୟା ପଦ୍ମାବତୀ ନାଥଶର୍ମା,ବରିଷ୍ଠ ନାଗରିକ ହରେକୃଷ୍ଣ ଶତପଥି,ସମାଜସେବୀ ବିଜ୍ଞାନ ଭୂଷଣ ମହାନ୍ତି, ଯୁବନେତା ପ୍ରୀତିଶ ଶତପଥି,ଦୀପକ ମହାନ୍ତି,ପଦ୍ମଲୋଚନ ନାଥଶର୍ମାଙ୍କ ସହିତ ପଂଚାୟତ ମହିଳା ସଂଘ ଏମବିକେ ଓ ସିଆରପିମାନେ ଉପସ୍ଥିତ ଥିଲେ ।
