ଗତ ରାତିରେ ଏନ୍ନୋରରେ ଏକ ପାଇପ୍ ଲିକ୍ ହୋଇ ଏହି ବିଷାକ୍ତ ଗ୍ୟାସ୍ ବାୟୂମଣ୍ଡଳରେ ମିଶି ଯାଇଥିଲା। ଫଳରେ ତୁରନ୍ତ ଲୋକେ ଅଣନିଶ୍ୱାସୀ ହୋଇ ପଡ଼ିବା ସହ ନିଶ୍ୱାସ ନେବାରେ କଷ୍ଟ ଅନୁଭବ କରିଥିଲେ। ସେମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଗୁରୁତର ହେବାରୁ ତୁରନ୍ତ ସେମାନଙ୍କୁ ନିକଟସ୍ଥ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଛି। ଚିକିତ୍ସା ପରେ ସେମାନଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ଥିବା ଜଣାଯାଇଛି।
ଖବର ପାଇ ତୁରନ୍ତ ପୁଲିସ୍, ପ୍ରଶାସନିକ ଟିମ୍ ପହଞ୍ଚି ଲିକ୍ ହୋଇଥିବା ପାଇପ୍ର ମରାମତି କରିଥିଲେ। ଏହାପରେ ବିଷାକ୍ତ ଗ୍ୟାସ୍ ନିର୍ଗତ ବନ୍ଦ ହୋଇଥିଲା। ଏବେ ଆଉ କୌଣସି ଚିନ୍ତାଜନକ ବିଷୟ ନ ଥିବା ସ୍ଥାନୀୟ ମେୟର ସୂଚନା ଦେଇଛନ୍ତି।
ବିଷାକ୍ତ ଗ୍ୟାସ୍ ନିର୍ଗତ ଯୋଗୁ ବହୁ ଲୋକ ଘର ଛାଡ଼ି ପଳାଇଥିବା ବେଳେ ଧୀରେ ଧୀରେ ସେମାନେ ଘରମୁହାଁ ହେଉଥିବା ଜଣାଯାଇଛି।
