କୋଣାର୍କ : ଆରମ୍ଭ ହେବ ଅନ୍ତର୍ଜାତୀୟ କୋଣାର୍କ ମହୋତ୍ସବ । କୋଣାର୍କ ମୁକ୍ତାକାଶ ରଙ୍ଗମଞ୍ଚରେ କୋଣାର୍କ ମହୋତ୍ସବର ଉଦଘାଟନୀ କାର୍ଯ୍ୟକ୍ରମ ରହିଛି । ଆଜିଠୁ ପୁଣି ଚଳଚଞ୍ଚଳ ହୋଇପଡିବ କୋଣାର୍କ । ଶାସ୍ତ୍ରୀୟ ସଙ୍ଗୀତ, ବାଦ୍ୟ ଆଉ ଘୁଙ୍ଗୁରର ତାଳେତାଳେ ଝୁମିବେ ଦର୍ଶନ । ନୃତ୍ୟସଙ୍ଗୀତର ମୂର୍ଚ୍ଛନାରେ ପୁରା ରଙ୍ଗୀନ ହୋଇଉଠିବ ଚନ୍ଦ୍ରଭାଗା ସ୍ବର୍ଣ୍ଣାଭ ବେଳାଭୂମି ।
ଏହା ଆଜିଠାରୁ ଡିସେମ୍ବର ୫ ତାରିଖ ପର୍ଯ୍ୟନ୍ତ ଆୟୋଜିତ ହେବ । ଆଜି ଉଦଘାଟନୀ ଉତ୍ସବରେ ଅନ୍ତର୍ଜାତୀୟ ବାଲୁକା କଳା ଉତ୍ସବ ଅନୁଷ୍ଠିତ ହେବ । ଏଥିସହ ଇକୋ ରିଟ୍ରିଟର ୫ମ ସଂସ୍କରଣ ବି ଲୋକାର୍ପଣ ହେବ । ଦେଶର କୋଣ ଅନୁକୋଣରୁ ବହୁ ସଙ୍ଗୀତ ଓ ନୃତ୍ୟପ୍ରେମୀଙ୍କ ଭିଡ ଲାଗିବ । ଏହାକୁ ଦୃଷ୍ଟି ରଖି ସମସ୍ତ ପ୍ରସ୍ତୁତି କରାଯିବା ସହ ସୁରକ୍ଷା ବ୍ୟବସ୍ଥାକୁ ବି କଡାକଡି କରାଯାଇଛି ।
