ବାରିପଦା: ଆଜି ବାରିପଦା ଠାରେ ଦୁର୍ନୀତି ନିବାରଣ ସଚେତନତା ସପ୍ତାହ ପାଳନ ଅବସରରେ ବିଭିନ୍ନ ଶିକ୍ଷାନୁଷ୍ଠାନ ର ଛାତ୍ର ଛାତ୍ରୀ, ଶିକ୍ଷକ ଶିକ୍ଷୟତ୍ରୀ ଏବଂ ବିଭିନ୍ନ ସ୍ବେଛାସେବୀ ସଂଗଠନ ର ସ୍ୱେଚ୍ଛାସେବୀ ମାନଙ୍କୁ ନେଇ ଏକ ସଚେତନତା ରାଲି ସକାଳ ଆଠ ଘଟିକା ସମୟ ରେ ଜିଲ୍ଲlପାଳ ଙ୍କ କାର୍ଯ୍ୟାଳୟ ଠାରୁ ଆରମ୍ଭ ହୋଇ ସହର ପରିକ୍ରମା କରିଥିଲା | ପରିକ୍ରମା ସମୟରେ ରାଲି ରେ ଅଂଶଗ୍ରହଣକାରି ମାନେ ଦୁର୍ନୀତି ନିବାରଣ ସମ୍ଭନ୍ଧିତ ବିଭିନ୍ନ ପ୍ରକାର ସ୍ଲୋଗାନ ମାନ ଦେଇ ଲୋକ ମାନଙ୍କ ପାଖରେ ସଚେତନତା ବାର୍ତ୍ତା ପହଞ୍ଚାଇ ବା ସହ ସମାଜ ର ପ୍ରତ୍ୟେକ ବ୍ୟକ୍ତି ଦୁର୍ନୀତି ବିରୋଧ ରେ ସ୍ୱର ଉତ୍ତୋଳନ କରିବା ପାଇଁ ଲୋକଙ୍କୁ ପରାମର୍ଶ ଦେଇଥିଲେ |
ଅନୁଷ୍ଠିତ ଉକ୍ତ ରାଲିକୁ ବାରିପଦା ଭିଜିଲାସନ୍ସ ୟୁନିଟ ର ଅତିରିକ୍ତ ଆରକ୍ଷୀ ଅଧିକ୍ଷକ ଶ୍ରୀ ହରେକୃଷ୍ଣ ମାଝୀ,ଡି ଏସ ପି ଜୟନ୍ତୀ ଦଳେଇ ଓ ଇନିସ୍ପେକଟର ବିକାଶ କୁମାର ସ୍ୱାଇଁ ପ୍ରମୁଖ ଉପସ୍ଥିତ ରହି ସବୁଜ ପତାକା ଦେଖାଇ ଶୁଭାରମ୍ଭ କରିଥିବା ବେଳେ ପ୍ରଶାସନ ତରଫରୁ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ଶ୍ରୀ ବିକାଶ ରଞ୍ଜନ ମହାନ୍ତି ଏହାକୁ ଆୟୋଜନ କରିଥିଲେ | ଏଥିରେ ବିଭିନ୍ନ ମହିଳା ମହାବିଦ୍ୟାଳୟ ଓ ବିଦ୍ୟାଳୟ ର ଛାତ୍ର ଛାତ୍ରୀ, ରେଡକ୍ରସ, ଏନ ସି ସି,ଏନ ଏସ ଏସ ଓ କ୍ରୀଡା ଛାତ୍ରା ବାସ ର ଛାତ୍ର, ବିଭିନ୍ନ ସ୍ବେଛାସେବୀ ଅନୁଷ୍ଠାନର ସଦସ୍ୟ ମାନେ ଅଂଶ ଗ୍ରହଣ କରିଥିଲେ | କାର୍ଯ୍ୟକ୍ରମ ପରିଚାଳନା ରେ ବାରିପଦା ଭିଜିଲାସନ୍ସ ୟୁନିଟ ର କର୍ମଚାରୀ ମାନେ ସହଯୋଗ କରିଥିଲେ |
