କଣ ହେଇଛି ? କାହିଁକି ଏ ବ୍ୟକ୍ତି ଏମିତି ଚପଲ ମାଡ ଖାଉଛନ୍ତି ବୁଝିଲା ବେଳକୁ ଜଣାପଡିଲା ଏ ମହିଳାଙ୍କୁ ଏ ବ୍ୟକ୍ତି ରାସ୍ତାରେ ଗଲାବେଳେ ଦୁର୍ବ୍ୟବହାର କରିଛନ୍ତି ବୋଲି ଅଭିଯୋଗ ଆସିଛି । ଯାହାପରେ ଏମିତି ମାଡ ମାରୁଛନ୍ତି ଏ ମହିଳା । ସୂଚନା ମୁତାବକ ରସୁଲଗଡ ଛକରେ ଜଣେ ମହିଳାଙ୍କୁ ଅଶାଳୀନ ବ୍ୟବହାର ଏ ବ୍ୟକ୍ତିଙ୍କୁ ମହଙ୍ଗା ପଡିଛି । ଘଟଣାସ୍ଥଳରେ ବ୍ୟକ୍ତିଙ୍କୁ ଅଟକାଇ ଚପଲରେ ସେକିଦେଇଗଲେ ମହିଳା ଓ ତାଙ୍କ ସାଥି ।
ବେଶ୍ କିଛି ସମୟ ଧରି ରାଜଧାନୀ ରାଜରାସ୍ତାରେ ଦେଖିବାକୁ ମିଳିଲା ଏ ଚିତ୍ର । ଏସବୁ ଦେଖି କେହି ଜଣେ ପୋଲିସକୁ ଖବର ଦେଲେ । ଯାହାପରେ ପୋଲିସ ପହଁଚି ବ୍ୟକ୍ତି ଓ ମହିଳାଙ୍କୁ ଥାନାକୁ ନେଇଛି । ତେବେ ଏ ସମ୍ପର୍କରେ ବ୍ୟକ୍ତିଙ୍କ ପ୍ରତିକ୍ରୀୟା ମିଳିନାହିଁ ।
