ମାୟାବତୀ କହିଛନ୍ତି ଯେ ବିହାର ଭଳି ଉତ୍ତରପ୍ରଦେଶରେ ମଧ୍ୟ ଜାତିଗତ ଗଣନା କରାଯିବା ଉଚିତ୍। କେବଳ ସେତେବେଳେ ହିଁ ଦଳିତ ଏବଂ ପଛୁଆବର୍ଗର ଲୋକମାନେ ସେମାନଙ୍କର ଉଚିତ୍ ଅଧିକାର ପାଇବେ। ସେ କହିଛନ୍ତି ଯେ କେନ୍ଦ୍ର ସରକାର ଜାତୀୟ ସ୍ତରରେ ଜନଗଣନା କରିବା ଉଚିତ୍। ସୋସିଆଲ ମିଡିଆ ପ୍ଲାଟଫର୍ମରେ ମାୟାବତୀ କହିଛନ୍ତି କେତେକ ଦଳ ଏଥିରେ ନିଶ୍ଚିତ ଭାବରେ ଅସନ୍ତୁଷ୍ଟ ଅଛନ୍ତି, କିନ୍ତୁ ବିଏସପି ପାଇଁ ଏହା ହେଉଛି ଓବିସି (ଅନ୍ୟାନ୍ୟ ପଛୁଆ ବର୍ଗ) ର ସାମ୍ବିଧାନିକ ଅଧିକାର ପାଇଁ ଦୀର୍ଘ ସଂଗ୍ରାମର ପ୍ରଥମ ପଦକ୍ଷେପ। ଉତ୍ତରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି, ‘ଉତ୍ତରପ୍ରଦେଶ ସରକାର ବର୍ତ୍ତମାନ କୌଣସି ବିଳମ୍ବ ନକରି ଜାତିଗତ ଗଣନା ଏବଂ ସର୍ଭେ ଆରମ୍ଭ କରିବା ଉଚିତ୍, ଯାହାଦ୍ୱାରା ସଠିକ୍ ସମାଧାନ ମିଳିବ |
