ନୂଆଦିଲ୍ଲୀ: ମୋରୋକୋରେ ହୋଇଥିବା ଭୂମିକମ୍ପରେ ମୃତ୍ୟୁ ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଛି। ଉତ୍ତର ଆଫ୍ରିକା ଏବଂ ମୋରୋକୋରେ ଘଟିଥିବା ସବୁଠାରୁ ବଡ ଭୂକମ୍ପ ପାଇଁ ପ୍ରଧାନମନ୍ତ୍ରୀ ମୋଦୀ ମଧ୍ୟ ସମବେଦନା ଜଣାଇଛନ୍ତି ଏବଂ ଏଥିପାଇଁ ଅଭିନେତ୍ରୀ ତଥା ନୃତ୍ୟଶିଳ୍ପୀ ନୋରା ଫତେହି ତାଙ୍କୁ ଧନ୍ୟବାଦ ଜଣାଇଛନ୍ତି। ମୋରୋକୋ ବର୍ତ୍ତମାନ ଭୂକମ୍ପରେ ପୀଡିତ । ମୋରୋକୋରେ ୬.୮ ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଘଟିଥିଲା ଯାହା ଚାରିଆଡେ ବିନାଶ ଘଟାଇଥିଲା ।
ଏନେଇ ଦିଲବର୍ ଗର୍ଲ ନୋରା ଫତେହି ତାଙ୍କ ଇନଷ୍ଟା ଷ୍ଟୋରିରେ ତାଙ୍କର ଏହି ଟ୍ୱିଟ୍ ସେୟାର କରିଛନ୍ତି। ଏଥି ସହିତ ସେ ଲେଖିଛନ୍ତି ଯେ, ‘‘ଏହି ବଡ଼ ସମର୍ଥନ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଧନ୍ୟବାଦ। ଆପଣ ସଚେତନତା ସୃଷ୍ଟି କରିବା ଏବଂ ସାହାଯ୍ୟର ହାତ ବଢ଼ାଇବାରେ ପ୍ରଥମ ଦେଶମାନଙ୍କ ମଧ୍ୟରୁ ଜଣେ । ମୋରୋକୋ ଲୋକମାନେ ଆପଣଙ୍କ ନିକଟରେ କୃତଜ୍ଞ । ଜୟ ହିନ୍ଦ! ” ଶନିବାର ରାତିରେ ମୋରୋକୋ ସହର ମାରକେଶରେ ୬.୮ ମ୍ୟାଗ୍ନିଚ୍ୟୁଡର ଏକ ଭୂମିକମ୍ପ ହୋଇଛି। ଏହି ଭୂମିକମ୍ପ ଯୋଗୁଁ ଏପର୍ଯ୍ୟନ୍ତ ଅତି କମରେ ୨୧୨୨ ଜଣଙ୍କର ମୃତ୍ୟୁ ହୋଇଥିବାବେଳେ ୨୪୦୦ ରୁ ଅଧିକ ଲୋକ ଆହତ ହୋଇଥିବା କୁହାଯାଉଛି । ରବିବାର ଦିନ ସମାନ ଅଞ୍ଚଳରେ ପୁଣି ଥରେ ଭୂକମ୍ପ ଅନୁଭୂତ ହୋଇଥିଲା, ଯାହାର ତୀବ୍ରତା ୪.୫ ମ୍ୟାଗ୍ନିଚ୍ୟୁଡ୍ ରହିଥିଲା ।
