ବାରଙ୍ଗ: ନନ୍ଦନକାନନରୁ ଆସିଲା ଆଉ ଏକ ଖୁସି ଖବର । ପ୍ରାଣୀ ଉଦ୍ୟାନକୁ ଆସିବେ ନୂଆ ଅତିଥି । ହୁଲକ୍ ଗିବନ୍ ଓ ପିଗ ଟେଲ ମକ୍କା ସହ ହିମାଳୟାନ ବିୟର ନନ୍ଦନକାନନ ଆସିବା ନେଇ ସୂଚନା ମିଳିଛି । ଏଥିପାଇଁ ମିଜୋରାମ ଅଭିମୁଖେ ବାହାରିଛନ୍ତି ୬ ଜଣିଆ ଟିମ୍ ।
ଏହା ପୂର୍ବରୁ ନନ୍ଦନକାନନରୁ ଦୁଇଟି ମହାବଳ ବାଘ ଓ ଘଡିଆଳ କୁମ୍ଭୀର ଇଟାନଗର ଯାଇଥିଲେ ତା ବଦଳରେ ଗିବନ ମାଙ୍କଡ଼ ଓ ଚିତା ବିରାଡ଼ି ନନ୍ଦନକାନନ ଆସିଥିଲେ । ଦୀର୍ଘ ୪୦ ବର୍ଷ ପରେ ପ୍ରଣୀ ଉଦ୍ୟାନକୁ ଆସିଲା ଗିବନ୍ ମାଙ୍କଡ । ତେବେ ଦୁଇ ଗିବନଙ୍କ ମଧ୍ୟରୁ ଅଣ୍ଡିରା ଗିବନ୍ ମାଙ୍କଡ ମୁନୁର ବୟସ ୧୦ ବର୍ଷ ୩ ମାସ ହୋଇଥିବା ବେଳେ ମାଇ ଗିବନ୍ ମାଙ୍କଡ ରୋଜାର ବୟସ ୫ ବର୍ଷ ୮ ମାସ ଥିଲା ।
