କଟକ : ବିଜ୍ଞାନ ପ୍ରଚାର ସମିତିର ପ୍ଲାଟିନମ ଜୁବୁଲି ଉତ୍ସବ ସମାରୋହ ଅବସରରେ ବିଶିଷ୍ଟ ବିଜ୍ଞାନ ଲେଖକ ସୁକାନ୍ତ କିଶୋର ମହାନ୍ତିଙ୍କ ରଚିତ ପୁସ୍ତକ ‘ଭୂମିକମ୍ପ’ ଉନ୍ମୋଚିତ ହୋଇଯାଇଛି | ଏହି ପୁସ୍ତକକୁ ଉତ୍ସବର ମୁଖ୍ୟ ଅତିଥି ପ୍ରିୟମ୍ବଦା ମହାନ୍ତି ହେଜମାଦି ଉନ୍ମୋଚନ କରିଥିଲେ |
କଟକର ସୁପ୍ରସିଦ୍ଧ ପ୍ରକାଶକ ଶ୍ରୀମା ପ୍ରକାଶନୀ ଦ୍ବାରା ପ୍ରକାଶିତ ଏହି ପୁସ୍ତକଟିରେ ପ୍ରାକୃତିକ ବିପର୍ଯ୍ୟୟ ଭୂମିକମ୍ପର କାରଣ, ଏଥିପ୍ରତି କିଭଳି ସତର୍କତା ଅବଲମ୍ବନ କରାଯିବା ଆବଶ୍ୟକ ତଥା ଆହୁରି ଅନେକ ତଥ୍ୟ ସମାବିଷ୍ଟ | ପୁସ୍ତକଟି ବିଦ୍ୟାଳୟସ୍ତରର ଛାତ୍ରଛାତ୍ରୀ ତଥା ସାଧାରଣ ଜନତାଙ୍କ ଲାଗି ଭୂମିକମ୍ପ ସଚେତନତା କ୍ଷେତ୍ରରେ ଏକ ଗାଇଡ଼ ଭଳି କାମ କରିବା ବୋଲି ପ୍ରକାଶନ ସଂସ୍ଥା ପକ୍ଷରୁ ଆଶା ପ୍ରକାଶ କରାଯାଇଛି |
