ଛାଡପତ୍ର ପାଇଁ କୋର୍ଟକୁ ଗଲେ ଅଶଦଙ୍କ ପତ୍ନୀ

ନୂଆଦିଲ୍ଲୀ : ସିରିଆରୁ ପଳାୟନ କରିଥିବା ରାଷ୍ଟ୍ରପତି ବଶର ଅଲ ଅଶଦଙ୍କ ପତ୍ନୀ ଅସମା ଅଲ ଅଶଦ ସ୍ୱାମୀଙ୍କଠାରୁ ଛାଡପତ୍ର ଦାବି କରିଛନ୍ତି l ଏଥିପାଇଁ ସେ ରୁଷର ଏକ କୋର୍ଟରେ ଆବେଦନ କରିଛନ୍ତି l ସିରିଆରେ ଗୃହ ଯୁଦ୍ଧ ପରେ ବିଦ୍ରୋହୀ ସଂଗଠନ କ୍ଷମତା ନିଜ ଦାଖଲକୁ ନେଇଛି l ଫଳରେ ରାଷ୍ଟ୍ରପତି ଅଶଦ ସ୍ତ୍ରୀ ଓ ପିଲାଙ୍କ ସହ ରୁଷ ପଳାଇଛନ୍ତି l ରୁଷ ପକ୍ଷରୁ ତାଙ୍କୁ ଶରଣ ଦିଆଯାଇଛି l ବର୍ତ୍ତମାନ ରାଷ୍ଟ୍ରପତି ଅଶଦ ନିଜ ସ୍ତ୍ରୀ ଓ ପିଲାଙ୍କ ସହ ମସ୍କୋରେ ଅଛନ୍ତି l କିନ୍ତୁ ଏଥିରେ ଖୁସି ନାହାନ୍ତି ଅଶଦଙ୍କ ପତ୍ନୀ ଅସମା l ତେଣୁ ସେ ଅଶଦଙ୍କଠାରୁ ଛାଡପତ୍ର ନେଇ ଲଣ୍ଡନ ଚାଲିଯିବାକୁ ନିଷ୍ପତ୍ତି ନେଇଛନ୍ତି ବୋଲି ତୁର୍କୀ ଏବଂ ଆରବ ଗଣମାଧ୍ୟମରେ ଖବର ପ୍ରକାଶିତ ହୋଇଛି l ଅସମା ଉଭୟ ବ୍ରିଟିଶ ଏବଂ ସିରିଆର ନାଗରିକତ୍ବ ଗ୍ରହଣ କରିଛନ୍ତି l ରୁଷ ଅଧିକାରୀମାନେ ଅଶଦଙ୍କ ସମ୍ପତ୍ତି ଫ୍ରିଜ କରିଦେଇଥିବାରୁ ତାଙ୍କ ସ୍ତ୍ରୀ ଖୁସି ନଥିବା କୁହାଯାଉଛି l ଅଶଦଙ୍କର ବିଭିନ୍ନ ଆକାଉଣ୍ଟରେ ୨୭୦ କିଲୋଗ୍ରାମ ସୁନା, ୨୦୦ କୋଟି ଡଲାର ଅର୍ଥରାଶି ରହିଥିଲା l ତା ଛାଡ ମସ୍କୋରେ ତାଙ୍କର ୧୮ଟି ଆପାର୍ଟମେଣ୍ଟ ମଧ୍ୟ ରହିଛି l ତା ଛଡା ମସ୍କୋରେ ତାଙ୍କର ୧୮ଟି ଆପାର୍ଟମେଣ୍ଟ ମଧ୍ୟ ରହିଛି l ସେ ରୁଷର କୌଣସି ରାଜନୈତିକ ଦଳରେ ସାମିଲ ହୋଇପାରିବେ ନାହିଁ କି ମସ୍କୋ ଛାଡି ଯାଇପାରିବେ ନାହିଁ l