ବାଲେଶ୍ବର : ବାଲେଶ୍ବର ସହର ଅରଡ଼ବଜାରରୁ ୨କେଜି ଓଜନର ବ୍ରାଉନସୁଗାର ଜବତ କରିଛି ଅବକାରୀ ବିଭାଗ । ବ୍ରାଉନସୁଗର ବ୍ୟବସାୟ କରୁଥିବା ଅଭିଯୋଗରେ ଅମଜାଦ ଖାଁକୁ ଅବକାରୀ ବିଭାଗ ଗିରଫ କରିଥିବାବେଳେ, ସବିର ଖାଁ ଫେରାର୍ ହୋଇଯାଇଛି । ଗତକାଲି ଅମଜାଦ ଓ ସବିର ମଧ୍ୟପ୍ରଦେଶରୁ ଟ୍ରେନ୍ ଯୋଗେ ବ୍ର୍ରାଉନସୁଗାର ଆଣି ଅରଡ଼ବଜାରରେ ଗଚ୍ଛିତ ରଖିଥିଲେ ।
ସୁଯୋଗ ଦେଖି ଅରଡ଼ବଜାରରୁ ଓଡ଼ିଶାର ବିଭିନ୍ନ ଜିଲ୍ଲାକୁ ଦୁଇଭାଇ ସବିର ଓ ଅମଜାଦ ବ୍ରାଉନସୁଗାର ଚାଲାଣ କରିବାକୁ ଯୋଜନା କରିଥିଲେ । ଏନେଇ ଅବକାରୀ ବିଭାଗର ଗୁଇନ୍ଦା ସୂଚନାକୁ ଆଧାରକରି ଆଜି ସକାଳେ ଚଡ଼ାଉ କରାଯାଇଥିଲା । ଚଡ଼ାଉ ସମୟରେ ଅବଜାଦଙ୍କ ଘରୁ ଏହି ବ୍ରାଉନସୁଗାର ଜବତ କରାଯାଇଛି । ଜବତ କରାଯାଇଥିବା ବ୍ରାଉନସୁଗାରର ବଜାର ମୂଲ୍ୟ ୨ କୋଟି ଟଙ୍କା ବୋଲି କୁହାଯାଇଛି ।
