ମୁମ୍ବାଇ: ମହାରାଷ୍ଟ୍ର ବିଧାନସଭା ନିର୍ବାଚନ ପାଇଁ ଅଜିତ ପାୱାରଙ୍କ ଏନସିପି ୩୮ଟି ଆସନରେ ପ୍ରାର୍ଥୀଙ୍କ ନାମ ଘୋଷଣା କରିଛି। ଏନସିପିର ପ୍ରାର୍ଥୀ ତାଲିକାରେ ୟେବଲାରୁ ଛଗନ ଭୁଜବଲ ଏବଂ କାଗଲରୁ ହାସନ ମୁଶ୍ରିଫଙ୍କୁ ଟିକେଟ ଦିଆଯାଇଛି। ଏଥିସହିତ ଅଜିତ ପାୱାର ନିଜେ ତାଙ୍କ ପାରମ୍ପାରିକ ଆସନ ବାରାମତିରୁ ନିର୍ବାଚନ ଲଢ଼ିବାକୁ ଯାଉଛନ୍ତି।
ତେବେ ବିଧାନସଭାରେ ଏହି ପ୍ରକ୍ରିୟା ବିଚାରାଧୀନ ଅଛି। ଖୋସ୍କର ୧୫ ଅକ୍ଟୋବରରେ ଏନସିପିରେ ଯୋଗ ଦେଇଥିଲେ। ଏଥି ସହିତ, ଏକ ସପ୍ତାହ ପୂର୍ବରୁ ବିଧାନ ପରିଷଦ ନିର୍ବାଚନରେ ସେ କ୍ରସ୍ ଭୋଟ୍ ଦେଇଥିବାରୁ କଂଗ୍ରେସ ସୁଲାବା ଖୋଡକେଙ୍କୁ ଦଳରୁ ବହିଷ୍କାର କରିଥିଲା। କୁହାଯାଉଛି ଯେ ମହାରାଷ୍ଟ୍ର ବିଧାନସଭା ନିର୍ବାଚନରେ ମହାଯୁତି ଆସନ ବାଣ୍ଟିବା ସୂତ୍ର ପ୍ରାୟତଃ ସ୍ଥିର କରିଛି। ବିଜେପି ୧୫୩ ରୁ ୧୫୬ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବାବେଳେ ଅଜିତ ପାୱାରଙ୍କ ଏନସିପି ୫୩ ରୁ ୫୫ ଟି ଆସନ, ଏକନାଥ ସିନ୍ଦେଙ୍କ ଦଳ ଶିବସେନା ୭୮ ରୁ ୮୦ତି ଆସନରେ ପ୍ରତିଦ୍ବନ୍ଦିତା କରିବ |
ନିର୍ବାଚନ ଆୟୋଗଙ୍କ ଅନୁଯାୟୀ, ମହାରାଷ୍ଟ୍ରରେ ମୋଟ ୨୮୮ ବିଧାନସଭା ଆସନ ପାଇଁ ନଭେମ୍ବର ୨୦ରେ ଗୋଟିଏ ପର୍ଯ୍ୟାୟରେ ଭୋଟ୍ ଗ୍ରହଣ କରାଯିବ। ଏହା ପରେ ୨୩ ନଭେମ୍ବରରେ ଭୋଟ୍ ଗଣତି ପରେ ନିର୍ବାଚନ ଫଳାଫଳ ଘୋଷଣା କରାଯିବ | ଗୋଟିଏ ପଟେ ଶାସକ ଦଳ ମହାଯୁତି ପୁଣିଥରେ ବିଜୟ ଦାବି କରୁଥିବାବେଳେ ଅନ୍ୟପକ୍ଷରେ ବିରୋଧୀ ଦଳ ମହାଭିକାସ ଅଘାଡି ଅଧିକ ଆସନ ଜିତି କ୍ଷମତାକୁ ଆସିବେ ବୋଲି ଆଶା ରଖିଛନ୍ତି।
