ଭୁବନେଶ୍ୱରରେ ଓଡିଶା ନାଟ୍ୟସଙ୍ଘ ଦ୍ୱାରା ଧୀର ବସା ସମ୍ମାନିତ

ବାରିପଦା: ଦୀର୍ଘ ୫୦ ବର୍ଷ ଧରି ନାଟକ ସହିତ ଜଡିତ ଥିବା ନାଟ୍ୟବିତ ଧୀର ବସା ଚଳିତ ମାସ ୨୬ ତାରିଖ ଦିନ ଭୁବନେଶ୍ୱରରେ ଓଡିଶା ନାଟ୍ୟସଙ୍ଘ ଦ୍ୱାରା ସମ୍ମାନିତ ହୋଇଛନ୍ତି I ନାଟ୍ୟ ଜଗତର ସେ ଜଣେ ଅମ୍ଲାନ ପ୍ରତିଭା I ମଞ୍ଚ ନାଟକର ଜଣେ ସୃଜନଶୀଳ ବ୍ୟକ୍ତି ଭାବେ ସେ ବେଶ ପରିଚିତ I ନାଟକ କ୍ଷେତ୍ରରେ ନିରବଛିନ୍ନ ସାଧନା ପାଇଁ ସେ ଓଡିଶାର ବିଭିନ୍ନ ନାଟ୍ୟ ଅନୁଷ୍ଠାନ ଦ୍ୱାରା ସମ୍ବର୍ଦ୍ଧିତ ହୋଇଛନ୍ତି I ମଞ୍ଚ ବ୍ୟତୀତ ଦୂରଦର୍ଶନ, ଭୁବନେଶ୍ୱର, ଓ ଆକାଶବାଣୀ କଟକର ସେ ଜଣେ ସ୍ୱୀକୃତିପ୍ରାପ୍ତ କଳାକାର I ଓଡ଼ିଆ ସିନେମା ଓ ସିରିଏଲରେ ଚରିତ୍ର ଅଭିନେତା ଭାବେ ବେଶ ଜଣାଶୁଣା I ତାଙ୍କ ପ୍ରଯୋଜିତ ଓ ନିର୍ଦ୍ଦେଶିତ ଦିଲ୍ଲୀ ଦୂରଦର୍ଶନରେ ପ୍ରସାରିତ ହିନ୍ଦି ଟେଲିଫିଲ୍ମ ‘ରିସ୍ତା’ ବେଶ ଚର୍ଚ୍ଚିତ ହୋଇଥିଲା I ଖବର ପାଇ ବହୁ କଳାକାର ଓ ବୁଦ୍ଧିଜୀବୀ ତାଙ୍କୁ ବଧାଇ ଜଣାଇଛନ୍ତି I