ନୂଆଦିଲ୍ଲୀ : ମେଟା ପକ୍ଷରୁ ଏଆଇକୁ ନେଇ ଦୀର୍ଘ ଦିନରୁ ଗବେଷଣା କରାଯାଉଛି। ଏବେ ଶେଷରେ ଏହା ଆସିଯାଇଛି ଏବଂ ହ୍ବାଟ୍ସଆପ୍ଠାରୁ ଆରମ୍ଭ କରି ସବୁ ସ୍ଥାନରେ ଏହା ଦୃଶ୍ୟମାନ ହେଉଛି। ଯଦି ଆପଣ ମଧ୍ୟ କିଛି ସର୍ଚ୍ଚ କରିବାକୁ ଚାହୁଁଛନ୍ତି, ତେବେ ଏହାର ବ୍ୟବହାର କରିପାରିବେ। ଆଜି ଆମେ ଆପଣଙ୍କୁ ଏମିତି କିଛି ଜିନିଷଗୁଡ଼ିକ ବିଷୟରେ ସୂଚନା ଦେବାକୁ ଯାଉଛୁ, ଯାହା ଆପଣଙ୍କୁ ବହୁତ ସାହାଯ୍ୟ କରିବ। ତେବେ ଆସନ୍ତୁ ଜାଣିବା ଏ ବିଷୟରେ-
ହ୍ବାଟ୍ସଆପ୍ରେ ଉପଲବ୍ଧ ଏଆଇ ଫିଚରରେ ଆପଣ ଅନେକ ଆଶ୍ଚର୍ଯ୍ୟଜନକ ଜିନିଷ ଦେଖିବାକୁ ପାଇବେ। କମ୍ପାନୀ ପକ୍ଷରୁ ଏହାର ନାମ ମେଟା ଏଆଇ ଦିଆଯାଇଛି ଏବଂ ଆପଣ ଏହାକୁ କିଛି ବି ପଚାରିପାରିବେ। ତେବେ ପ୍ରଶ୍ନ ଉଠୁଛି ଯେ, ଏହା କିଭଳି କାମ କରେ। ଆପଣଙ୍କୁ ସର୍ଚ୍ଚ ସହ ଏଆଇ ଚିହ୍ନ ଦେଖିବାକୁ ମିଳିବ। ଏହା ଉପରେ କ୍ଲିକ୍ କରିବା ଦ୍ଵାରା ଏଆଇ ଚାଟ୍ ବକ୍ସରେ ଏଣ୍ଟ୍ରି ମିଳିଥାଏ। ହ୍ବାଟ୍ସଆପ୍ରେ ଯଦି କାହା ସହିତ ଚାଟ୍ କରୁଛନ୍ତି, ତେବେ ଆପଣ ଏହାର ସାହାଯ୍ୟ ନେଇପାରିବେ। ଏଥିସହ ଏହି ଫିଚର ଆପଣଙ୍କ ପାଇଁ ଅତ୍ୟନ୍ତ ଉପଯୋଗୀ ସାବ୍ୟସ୍ତ ହେବ। ଯଦି ଆପଣଙ୍କର କାହାକୁ ମେସେଜ୍ କରିବାର ଅଛି ଏବଂ କିଛି ବୁଝିପାରୁ ନାହାନ୍ତି ତେବେ ଏଆଇର ସାହାଯ୍ୟ ନେଇପାରିବେ। ଏହା ଆପଣଙ୍କୁ ସିଧାସଳଖ ସାହାଯ୍ୟ କରିବ। ତେବେ ଏବେ ସମୟ ସହିତ ଏଥିରେ ଉନ୍ନତି ମଧ୍ୟ କରାଯାଉଛି। ଏବେ ମଧ୍ୟ ଏଥିରେ ଅନେକ ପରିବର୍ତ୍ତନ କରାଯାଉଛି। ହ୍ବାଟ୍ସଆପ୍ ସାହାଯ୍ୟରେ ସମସ୍ତ ଫିଚର ଏଥିରେ ଆପଣଙ୍କୁ ଦିଆଯାଉଛି। ଲୋକମାନେ ମଧ୍ୟ ଏହାକୁ ବେଶ୍ ପସନ୍ଦ ମଧ୍ୟ କରୁଛନ୍ତି।
