ଭୁବନେଶ୍ୱର : ବିଜୁ ଜନତା ଦଳ (ବିଜେଡି) ନେତା ସୁବାସିନି ଜେନାଙ୍କ ସମ୍ପତ୍ତି ପ୍ରାୟ ୧୩୫ କୋଟି ଟଙ୍କା ରହିଛି ଯାହା ଜୁନ ୧ ରେ ହେବାକୁ ଥିବା ଓଡ଼ିଶା ବିଧାନସଭା ପାଇଁ ଚତୁର୍ଥ ପର୍ଯ୍ୟାୟ ମତଦାନ ପାଇଁ ସମସ୍ତ ପ୍ରାର୍ଥୀଙ୍କ ମଧ୍ୟରେ ସବୁଠାରୁ ଧନୀ ପ୍ରାର୍ଥୀ ଅଟନ୍ତି।
୬ ଟି ସଂସଦୀୟ ର୍ନିବାଚନମଣ୍ଡଳୀ ମୟୂରଭଞ୍ଜ, ବାଲେଶ୍ୱର, ଭଦ୍ରକ,ଜଗତସିଂହପୁର, ଯାଜପୁର, କେନ୍ଦ୍ରାପଡା ଏବଂ ୪୨ ଟି ବିଧାନସଭା ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ସମସ୍ତ ୩୯୪ ଜଣ ପ୍ରାର୍ଥୀଙ୍କ ଆଫିଡେଭିଟ ବିଶ୍ଳେଷଣ ପରେ ଓଡିଶା ର୍ନିବାଚନ ୱାଚ ଏବଂ ଆସୋସିଏସନ ଫର୍ ଡେମୋକ୍ରାଟିକ ରିଫର୍ମସ (ଏଡିଆର) ଦ୍ୱାରା ପ୍ରକାଶିତ ଏକ ରିପୋର୍ଟରେ ଏହା ପ୍ରକାଶ ପାଇଛି।
ରିପୋର୍ଟ ଅନୁଯାୟୀ, ବାଲେଶ୍ୱର ଜିଲାର ବସ୍ତା ବିଧାନସଭା ର୍ନିବାଚନମଣ୍ଡଳୀ ପାଇଁ ବିଜେଡି ପ୍ରାର୍ଥୀ ସୁବାସିନି ଜେନା ତାଙ୍କ ଆଫିଡେଭିଟ୍ରେ ମୋଟ ୧୩୫ କୋଟି ଟଙ୍କା ଥିବା ଘୋଷଣା କରିଛନ୍ତି। ଯେଉଁଥିରେ ୮୭,୬୫,୧୧,୯୫୦ ଟଙ୍କା ଏବଂ ୪୭,୫୨,୭୫,୫୩୪ ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ରହିଛି। ଏହି ସମୟରେ, ସିମୁଳିଆ ବିଧାନସଭା ର୍ନିବାଚନମଣ୍ଡଳୀ ପାଇଁ ଶାସକ ବିଜେଡିର ପ୍ରାର୍ଥୀ ସୁବାସିନି ସାହୁଙ୍କ ସମ୍ପତ୍ତି ୯୧.୭୫ କୋଟି ଟଙ୍କା ରହିଛି। ସମସ୍ତ ରାଜନୈତିକ ଦଳର ପ୍ରାର୍ଥୀ ତଥା ସ୍ବାଧୀନ ପ୍ରାର୍ଥୀ ଭାବରେ ପ୍ରତିଦ୍ୱନ୍ଦ୍ୱିତା କରୁଥିବା ବ୍ୟକ୍ତିଙ୍କ ମଧ୍ୟରେ ସେ ଦ୍ୱିତୀୟ ଧନୀ ପ୍ରାର୍ଥୀ ଅଟନ୍ତି।
ତାଙ୍କ ପଛକୁ ଭଣ୍ଡାରିପୋଖରୀ ବିଧାନସଭା ଆସନ ପାଇଁ କଂଗ୍ରେସର ବରିଷ୍ଠ ନେତା ତଥା ଦଳର ପ୍ରାର୍ଥୀ ନିରଂଜନ ପଟ୍ଟନାୟକ ୮୬.୫୮ କୋଟି ଟଙ୍କା ସହ ତୃତୀୟ ଧନୀ ପ୍ରାର୍ଥୀ ଅଟନ୍ତି।
ତେବେ ନିର୍ବାଚନରେ ପ୍ରାର୍ଥୀଙ୍କ ଟଙ୍କା ଦେଖି ଟିକେଟ୍ ବଣ୍ଟନ କରାଯାଉଛି। ପ୍ରମୁଖ ଦଳ ମଧ୍ୟରେ ବିଜେଡିରୁ କରାଯାଇଥିବା ୪୨ ଜଣ ପ୍ରାର୍ଥୀଙ୍କ ମଧ୍ୟରୁ ୩୭ (୮୮%), ଭାଜପାରୁ ବିଶ୍ଳେଷଣ କରାଯାଇଥିବା ୪୨ ଜଣ ପ୍ରାର୍ଥୀଙ୍କ ମଧ୍ୟରୁ ୩୦(୭୧%), କଂଗ୍ରେସରୁ ବିଶ୍ଳେଷଣ କରାଯାଇଥିବା ୪୨ ଜଣ ପ୍ରାର୍ଥୀଙ୍କ ମଧ୍ୟରୁ ୨୧ ଜଣ (୫୦ ପ୍ରତିଶତ) ,ସିପିଆଇରୁ ବିଶ୍ଳେଷଣ କରାଯାଇଥିବା ୩ ଜଣ ପ୍ରାର୍ଥୀଙ୍କ ମଧ୍ୟରୁ ୧ ଜଣ (୩୩ ପ୍ରତିଶତ) ୧ କୋଟିରୁ ଅଧିକ ମୂଲ୍ୟର ସମ୍ପତ୍ତି ଘୋଷଣା କରିଛନ୍ତି ବୋଲି ଏଡିଆର ରିପୋର୍ଟରେ ଦର୍ଶାଯାଇଛି।
ରିପୋର୍ଟରେ ଆହୁରି ମଧ୍ୟ ଜଣାପଡିଛି ଯେ ୩୯୪ ଜଣ ପ୍ରାର୍ଥୀଙ୍କ ମଧ୍ୟରୁ ୯୬ (୨୪ ପ୍ରତିଶତ) ପ୍ରାର୍ଥୀ ନିଜ ଆଫିଡେଭିଟ୍ରେ ନିଜ ବିରୋଧରେ ଅପରାଧିକ ମାମଲା ଥିବା ଘୋଷଣା କରିଛନ୍ତି।
୮୮ ଜଣ ପ୍ରାର୍ଥୀ ସେମାନଙ୍କ ବିରୋଧରେ ଗୁରୁତର ଅପରାଧିକ ମାମଲା ରୁଜୁ କରିଛନ୍ତି। ସେହିଭଳି ୧୭ ଜଣ ପ୍ରାର୍ଥୀ ’ହତ୍ୟା ଉଦ୍ୟମ’ ସମେତ ଗୁରୁତର ଅପରାଧିକ ଅଭିଯୋଗର ସମ୍ମୁଖୀନ ହେଉଛନ୍ତି।
