ନୂଆଦିଲ୍ଲୀ,୨୩।୩: ସାମୟିକ ସମୟ ପାଇଁ ଭିନ୍ନ ଧର୍ମର ଲୋକଙ୍କୁ ଜମି ବିକ୍ରି କରିବା ଉପରେ ରୋକ ଲଗାଇଛନ୍ତି ରାଜ୍ୟ ସରକାର। ଭିନ୍ନ ଧର୍ମର ବ୍ୟକ୍ତିବିଶେଷଙ୍କୁ ଜମି ବିକ୍ରି ପାଇଁ ରାଜ୍ୟ ସରକାର ଦେଉଥିବା ଏନଓସି କୁ ସାମୟିକ ଭାବେ ବନ୍ଦ କରି ଦେଇଛନ୍ତି। ଏକ ବିଜ୍ଞପ୍ତିରେ ଆସାମ ସରକାର କହିଛନ୍ତି ଯେ ଲୋକସଭା ନିର୍ବାଚନ ପୂର୍ବରୁ “ସାମ୍ପ୍ରଦାୟିକ ବିବାଦ” ରୋକିବା ପାଇଁ ଏହି ନିଷ୍ପତ୍ତି ନିଆଯାଇଛି।
ରାଜସ୍ବ ଏବଂ ବିପର୍ଯ୍ୟୟ ପରିଚାଳନା ବିଭାଗ ପକ୍ଷରୁ ମାର୍ଚ୍ଚ 7 ତାରିଖରେ ଜାରୀ ହୋଇଥିବା ବିଜ୍ଞପ୍ତି ଅନୁଯାୟୀ ଆସନ୍ତା ତିନି ମାସ ପାଇଁ ଏହି ନିୟମ ଲାଗୁ ରହିବ। ରାଜ୍ୟ ସରକାର କହିଛନ୍ତି ଯେ ନ୍ୟସ୍ତ ସ୍ୱାର୍ଥ ଦ୍ୱାରା ସମ୍ଭାବ୍ୟ ଦ୍ୱନ୍ଦ୍ୱକୁ ରୋକିବା ପାଇଁ କୌଣସି ଆପତ୍ତି ନଥିବା ପ୍ରମାଣପତ୍ରର ଅନୁମତିକୁ ରୋକି ଦିଆଯାଇଛି।
