ୱେରଖାଇଜର କହିଛନ୍ତି, ଆମେ ଠିକ୍ ସମୟରେ ସମସ୍ତ ଠିକ୍ ଲୋକଙ୍କୁ ଏକାଠି କରିଛୁ, ଯେଉଁଥିପାଇଁ ମୁଁ ଭାବୁଛି ଆମେ ସେଠାରେ ପହଞ୍ଚିବୁ। ୨୦୨୪ ଫେବ୍ରୁଆରିରେ ଚନ୍ଦ୍ରକୁ ପଠାଯିବା ପୂର୍ବରୁ ୩ଡି ପ୍ରିଣ୍ଟରର ପରୀକ୍ଷା କରାଯାଉଛି। କିନ୍ତୁ ଏହା ପୂର୍ବରୁ ନାସାକୁ ଆସନ୍ତା ବର୍ଷ ଉଡ଼ାଣ ଭରିବାକୁ ଥିବା ଆର୍ଟେମିସ୍-୨ ଅଭିଯାନରେ ଚନ୍ଦ୍ରକୁ ସଫଳତାର ସହ ମହାକାଶଚାରୀ ପଠାଇବାକୁ ପଡ଼ିବ। ପ୍ରଥମ ଚନ୍ଦ୍ର ଅଭିଯାନ ଚନ୍ଦ୍ରକୁ ପରିକ୍ରମା କରି ସୁରକ୍ଷିତ ଭାବେ ପୃଥିବୀକୁ ଫେରିଥିଲା। ଆର୍ଟେମିସ୍-୨ରେ ୪ ଜଣ ମାନବ କ୍ରୁ ମେମ୍ବର ରହିବେ। ୨୦୨୫ କିମ୍ବା ୨୦୨୬ରେ ଆର୍ଟେମିସ୍-୩ ଅଭିଯାନ ସ୍ପେସ୍ ଏକ୍ସର ଷ୍ଟାରସିପ୍ ସହାୟତାରେ ଚନ୍ଦ୍ରର ଦକ୍ଷିଣ ମେରୁରେ ମଣିଷ ସହ ଅବତରଣ କରିବ ବୋଲି ରିପୋର୍ଟରେ କୁହାଯାଇଛି।
