କଟକ : ଆସୁଛି ପାର୍ବଣ ଋତୁ । କିନ୍ତୁ ତାପୂର୍ବରୁ ଅଶାନ୍ତ ହୋଇପଡିଛି କଟକ ସହର । ପୂଜା ପୂର୍ବରୁ କଟକରେ ଏନକାଉଣ୍ଟର ହୋଇଛି । କନ୍ଦରପୁର ଥାନା ମତ୍ତଗଜପୁର ଅଂଚଳ ଡକାୟତି ଘଟଣାର ମୁଖ୍ୟ ଅଭିଯୁକ୍ତ ମନୋଜ ମହାରଣାକୁ ଉତ୍ତମାପୁର ଅଞ୍ଚଳରେ କମିଶନରେଟ୍ ପୋଲିସ ଏନକାଉଣ୍ଟର କରିଛି । ଅଭିଯୁକ୍ତ ମନୋଜ ଓରଫ ମଙ୍ଗୁ ର ବାମ ଗୋଡ଼ରେ ଗୁଳି ବାଜିଛି। ଫଳରେ ଗୁରୁତର ଅବସ୍ଥାରେ ମଙ୍ଗୁକୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି। ତା ନିକଟରୁ ବନ୍ଧୁକ ଓ ଗୁଳି ଜବତ ହୋଇଛି । ଉତ୍ତମାପୁର ଅଞ୍ଚଳରେ ଅପରାଧୀକ ଯୋଜନା କରୁଥିବାବେଳେ ପୋଲିସ ଚଢାଉ କରିଥିଲା ।
ପୂର୍ବରୁ ମନୋଜ ନାଁରେ ବହୁ ଅପରାଧିକ ମାମଲା ରହିଛି। ମତ୍ତଗଜପୁର ଅଂଚଳ ଡକାୟତି ଘଟଣାର ମୁଖ୍ୟ ଅଭିଯୁକ୍ତ ଥିଲା ମନୋଜ । ୨୦୦୮ ମସିହାରେ ମଧ୍ୟ ତାକୁ ସଦର ଥାନା ପୋଲିସ ଏନକାଉଣ୍ଟର କରିଥିଲା । ସେ କନ୍ଦରପୁର ଅଞ୍ଚଳର ଜଣେ ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ମାମଲାରେ ସମ୍ପୃକ୍ତ ଥିବା ନେଇ ପୋଲିସ ନିକଟରେ ପ୍ରମାଣ ରହିଛି । ତାକୁ ଏନ କାଉଣ୍ଟର କରିବା ପରେ ତା ନିକଟରୁ ବନ୍ଧୁକ, ଗୁଳି , ମୋବାଇଲ ଫୋନ୍ ଆଦି ଜବତ କରିଛି । ତେବେ ମଙ୍ଗୁ ବିରୋଧରେ ତିର୍ତ୍ତୋଲ , ରଘୁନାଥପୁର , କନ୍ଦରପୁର , କଟକ ସଦର, ବିରିଡି ଥାନାରେ ୧୧ରୁ ଉର୍ଦ୍ଧ୍ବ ମାମଲା ଥିବା ସୂଚନା ମିଳିଛି ।
