କେରଳ ହାଇକୋର୍ଟ ଜଷ୍ଟିସ ପି.ବି କୁନ୍ହିକୃଷ୍ଣନ ପିଲାମାନଙ୍କ ପାଇଁ ରନ୍ଧା ଖାଦ୍ୟ ଉପରେ ଗୁରୁତ୍ୱ ଦେଇଛନ୍ତି । ସ୍ୱିଗି କି ଜମାଟୋରୁ ଖାଦ୍ୟ ଅର୍ଡର ନ କରି ଅଭିଭାବକମାନଙ୍କୁ ହାତ ତିଆରି ଖାଦ୍ୟ କରି ପିଲାମାନଙ୍କୁ ଖୁଆଇବା ପାଇଁ କହିଛନ୍ତି । ରେଷ୍ଟୁରାଣ୍ଟରୁ ଖାଦ୍ୟ ଅର୍ଡର କରିବାରୁ ପିଲାମାନଙ୍କୁ ଦୂରେଇ ରଖିବାକୁ ମଧ୍ୟ କହିଛନ୍ତି ଏବଂ ମୋବାଇଲ ଫୋନର କୁପ୍ରଭାବ ଉପରେ ଚେତାବନୀ ଦେଇଛନ୍ତି ।
ପିଲାମାନଙ୍କୁ ବାହରକୁ ଖେଳିବାକୁ ପଠାଇବା ପାଇଁ ଅଭିଭାବକମାନଙ୍କୁ କହିଛନ୍ତି । ଏତଦ୍ ବ୍ୟତୀତ, ନାବାଳକ ମାନଙ୍କୁ ମୋବାଇଲ ଫୋନ୍ ଦେବାର ଅପବ୍ୟବହାର ଉପରେ ଅଭିଭାବକମାନଙ୍କୁ ସାବଧାନ କରିଛନ୍ତି । କାରଣ ଇଣ୍ଟରନେଟ୍ ଥିବାରୁ ମୋବାଇଲ ଫୋନ୍ ମାଧ୍ୟମରେ ସେମାନେ ପର୍ନୋଗ୍ରାଫି ସମେତ କିଛି ଅଶ୍ଳୀଳ ଭିଡିଓ ଦେଖିବା ଆଶଙ୍କା ରହୁଛି ।
